ថៃកើតអគ្គិភ័យទាំងកណ្តាលរាត្រី ភ្លើងឆេះបំផ្លាញផ្ទះវីឡាប្រណីតមួយរបស់ជនបរទេសនៅខេត្តភូកេត
ខេត្តភូកេត ៖ ផេក Fire &Rescue Thailand បានផ្សាយនៅសុក្រនេះថា កាលពីវេលាម៉ោង២២:៣០នាទី ថ្ងៃទី១៦ ខែតុលា…
ខេត្តភូកេត ៖ ផេក Fire &Rescue Thailand បានផ្សាយនៅសុក្រនេះថា កាលពីវេលាម៉ោង២២:៣០នាទី ថ្ងៃទី១៦ ខែតុលា ម្សិលមិញ មានហេតុការណ៍ភ្លើងឆេះផ្ទះវីឡាមួយកន្លែង នៅក្នុងច្រកផ្លូវកៈទូ ក្រុងកៈទូ ខេត្តភូកេត ដែលជាកម្មសិទ្ធរបស់ជនបរទេស ដែលខណៈពេលកើតហេតុ មានមនុស្ស ៣នាក់កំពុងរស់នៅក្នុងផ្ទះនោះ ប៉ុន្តែជាសំណាងល្អ អ្នកទាំងនោះបានរត់ចេញមកទាន់ពេលវេលា ។
ភ្លើងបានឆាបឆេះយ៉ាងលឿន និងខ្លាំងក្លា នៅជាន់លើផ្ទះ ខណៈដែលមន្ត្រីពន្លត់អគ្គិភ័យ បានប្រើប្រាស់ទឹកបាញ់ពន្លត់អស់ជាច្រើនឡាន ដោយចំណាយពេលប្រហែល ៤០នាទី ទើបអាចគ្រប់គ្រងភ្លើងបាន ប៉ុន្តែ ផ្ទះនោះត្រូវបានខូចខាតស្ទើរតែទាំងស្រុងទៅហើយ ។
ដោយឡែក មូលហេតុ នៃអគ្គិភ័យនេះ កំពុងស្ថិតនៅក្រោមការស៊ើបអង្កេតរបស់មន្ត្រីជំនាញពិនិត្យកន្លែងកើតហេតុនៃខេត្តភូកេត ។
ហេតុការណ៍នេះ មិនមាននរណាម្នាក់រងរបួស ឬស្លា.ប់ទេ ប៉ុន្តែបានបង្កការភ្ញាក់ផ្អើលដល់អ្នកភូមិដែលរស់នៅម្តុំនោះទាំងកណ្តាលរាត្រី ៕
ចែករំលែកព័តមាននេះ