តើអ្នកធ្លាប់មានអារម្មណ៍ថាឈឺជង្គង់ភ្លាមៗ ឬឈឺតិចតួចហើយគិតថាមិនអីទេ? សូមប្រយ័ត្ន! យោងតាមមន្ទីរពេទ្យកាល់ម៉ែត ការឈឺជង្គង់ស្រួចស្រាវនេះអាចជាសញ្ញាព្រមាននៃបញ្ហាធ្ងន់ធ្ងរដែលត្រូវដោះស្រាយភ្លាមៗ។
មូលហេតុចម្បងដែលបណ្តាលឱ្យឈឺជង្គង់ស្រួចស្រាវមានអ្វីខ្លះ?
មូលហេតុភាគច្រើនគឺទាក់ទងនឹងការរងរបួសដោយផ្ទាល់ ឬដោយការប្រើប្រាស់កម្លាំងហួសហេតុដូចជា៖
- ការប៉ះទង្គិចខ្លាំង៖ ការដួល ឬបុកចំជង្គង់ដោយផ្ទាល់។
- គ្រេច ឬរមួលជង្គង់៖ បណ្ដាលមកពីសកម្មភាពកីឡា ឬការធ្វើចលនាដែលមិនប្រុងប្រយ័ត្ន។
- ការប្រើប្រាស់កម្លាំងហួសហេតុ៖ ធ្វើសកម្មភាពខ្លាំងពេក (ដូចជារត់ហួសកម្រិត, ជិះកង់ដួល ឬកត្តាផ្សេងៗទៀតដែលដាក់សម្ពាធលើសន្លាក់)។
កុំបណ្តោយឲ្យការឈឺចាប់តូចតាចក្លាយជារឿងធំ!
ទោះបីជាអ្នកឈឺជង្គង់ត្រឹមតែតិចតួចក៏ដោយ ចូរកុំគិតថាវាគ្មានបញ្ហាអ្វីសោះ! ការមើលរំលងការឈឺចាប់នេះ អាចបង្កឲ្យមានផលវិបាកកាន់តែធ្ងន់ធ្ងរទៅៗ រហូតដល់៖
- ពិការជង្គង់ និងមិនអាចដើរបាន។
- ឈានដល់រលាកសន្លាក់ជង្គង់រ៉ាំរ៉ៃ។
- ចាំបាច់ត្រូវវះកាត់ប្ដូរសន្លាក់ជង្គង់សិប្បនិម្មិត។
ដំណោះស្រាយ៖ ព្យាបាលដោយចលនា
ប្រសិនបើអ្នកមានអាការៈឈឺជង្គង់តិចតួច គ្រេច ឬថ្លោះដោយសារលេងកីឡា សូមកុំបង្អង់យូរ! លោកអ្នកគួរតែប្រញាប់ទៅទទួលការព្យាបាលដោយចលនា ព្រមទាំងការស្អំសរសៃជាមួយគ្រូពេទ្យឯកទេសដើម្បីទប់ស្កាត់ការខូចខាតកាន់តែធ្ងន់ធ្ងរ៕
ចែករំលែកព័តមាននេះ