ខេត្តតាកែវ ៖ គួរឲ្យអណោចអធមណាស់ កុមារា កុមារី ២ នាក់បងប្អូនបង្កើតបានស្លាប់ក្នុងអណ្តាតភ្លើង ដោយមូលហេតុឆ្លងចរន្តអគ្គីសនី ខណៈអាណាព្យាបានមិននៅ ដែលហេតុនោះបានកើតឡើងកាលពីមោង៨…
ខេត្តតាកែវ ៖ គួរឲ្យអណោចអធមណាស់ កុមារា កុមារី ២ នាក់បងប្អូនបង្កើតបានស្លាប់ក្នុងអណ្តាតភ្លើង ដោយមូលហេតុឆ្លងចរន្តអគ្គីសនី ខណៈអាណាព្យាបានមិននៅ ដែលហេតុនោះបានកើតឡើងកាលពីមោង៨ និង៣០នាទីយប់ថ្ងៃទី១៤ ខែតុលា ឆ្នាំ២០២៥ ស្ថិតនៅភូមិកណ្ដោល ឃុំពត់ សរ ស្រុកបាទី ខេត្តតា កែវ ។
កុមាររងគ្រោះ២ នាក់មាន ម្នាក់ឈ្មោះ ទូច ចាន់ដារ៉ា ភេទប្រុស អាយុ០៦ ឆ្នាំ និងម្នាក់ឈ្មោះ ទូច ចាន់ណារី ភេទស្រី អាយុ០៣ ឆ្នាំ (បងប្អូនបង្កើត) ។
តាមការបំភ្លើពីសាក្សីឈ្មោះ ហ៊ុន ហុកលី ភេទប្រុស អាយុ ២៥ឆ្នាំ ត្រូវជាប្អូនរបស់ ម្ចាស់ផ្ទះដែលឆេះបាននិយាយថា ដំបូងគាត់បានចុះបត់ជើងតូចរួចក៏ឡើងលើផ្ទះវិញ ហើយបានចុចទូរសព្ទលេង ស្រាប់តែលឺសូរផ្ទុះផេះៗ នៅលើផ្ទះបងរបស់គាត់ ។ បន្តិចក្រោយមកក៏ឮសូរផ្ទុះខ្លាំង គាត់បានស្ទុះចេញទៅមើលក៏ឃើញភ្លើងឆេះខ្លាំងនិងឮសូរសម្លេងក្មួយគាត់ស្រែកនៅលើផ្ទះកំពុងឆេះឲ្យគេជួយ ។ ពេលឃើញដូចនោះគាត់ក៏បានយកភួយ ជ្រលក់ទឹកបម្រុងចូលជួយសង្គ្រោះក្មួយ ប៉ុន្តែភ្លើងឆេះខ្លាំងពេកទើបចូលមិនបាន បានត្រឹមយកទឹកជះលើភ្លើងរួមជាមួយអ្នកជិតខាង ខណៈពេលភ្លើងរលត់ក្មួយប្រុសស្រី២ នាក់បងប្អូនបង្កើតរបស់គាត់ បានឆេះក្លាយទៅជាសាកសពយ៉ាងអណោចអាធ័មបាត់ទៅហើយ ។
តាមស្ដាប់ការបំភ្លឺពីឈ្មោះ ឯក ងួន ជាមេភូមិកណ្ដោល បានឱ្យដឹងថា ផ្ទះដែលអគ្គីភ័យឆេះនោះ គឺជាកូនផ្ទះសង់ពីឈើ ប្រកស័ង្កសីមានទំហំ ៣×៤ ម៉ែត្រនៅផ្ទាល់ដីម្ចាស់ផ្ទះឈ្មោះ បាន ទូច នឹងប្រពន្ធឈ្មោះ ហ៊ុន ម៉េងហួយ ស្ថិតនៅភូមិកណ្ដោល ឃុំពត់ សរ ស្រុកបាទី ខេត្តតាកែវ ។ ផ្ទះនេះបានតខ្សែភ្លើងប្រើប្រាស់រាល់ថ្ងៃចេញពីផ្ទះឪពុក ដោយជីវភាពរស់មានស្ថានភាពខ្វះខាត ប្តីប្រពន្ធ២ នាក់ជាមេគ្រួសារ ភាគច្រើនមិនសូវបាននៅជាប់លាប់ទេ រវាល់ចេញដើររកការងារធ្វើបាត់ៗពីផ្ទះ ទុកកូនឲ្យនៅ២ នាក់បងប្អូន ។
ក្រោយកើតហេតុ សមត្តកិច្ចនគរបាល និងអាជ្ញាមូលដ្ឋានបានចុះទៅដល់ ដោយបានបង្កើតគណកម្មការពិនិត្យ និងធ្វើកោសវិច្ច័យលើសាកសព ហើយបានធ្វើការសន្និដ្ឋានជំហ៊ានដំបូងថា កុមារ ២ នាក់បងប្អូនស្លាប់ដោយសារការឈ្លកផ្សែងភ្លើងបណ្តាលមកពីអគ្គិភ័យឆេះផ្ទះនោះពិតប្រាកដមែន ។ សពកុមាររងគ្រោះទាំង២នាក់ត្រូវបានសមត្ថកិច្ចប្រគល់ជូនឪពុក ម្តាយ ដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ