ខេត្តព្រះសីហនុ ៖ បុរសម្នាក់កំពុងបើកបរម៉ូតូតាមផ្លូវ ខណៈមេឃភ្លៀងរលឹម និងលាយឡំផ្គររន្ទះ ស្រាប់តែត្រូវរន្ទះបាញ់ បណ្តាលឱ្យរងរបួសធ្ងន់ ។ ហេតុការណ៏ខាងលើនេះបានកើតមានឡើងកាលពីថ្ងៃទី១៥ តុលា…
ខេត្តព្រះសីហនុ ៖ បុរសម្នាក់កំពុងបើកបរម៉ូតូតាមផ្លូវ ខណៈមេឃភ្លៀងរលឹម និងលាយឡំផ្គររន្ទះ ស្រាប់តែត្រូវរន្ទះបាញ់ បណ្តាលឱ្យរងរបួសធ្ងន់ ។
ហេតុការណ៏ខាងលើនេះបានកើតមានឡើងកាលពីថ្ងៃទី១៥ តុលា ឆ្នាំ២០២៥ វេលាម៉ោង៣និង៤០នាទីរសៀល នៅលើដងផ្លូវជាតិលេខ១៤៦B ចន្លោះគីឡូម៉ែត្រលេខ ០២-០៣ ស្ថិតក្នុងភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ ។
ជនរងគ្រោះឈ្មោះ អាត អង្គ ភេទប្រុស អាយុ២០ឆ្នាំ មានទីលំនៅភូមិចាំស្រី ឃុំកំពង់សិលា ស្រុកកំពង់សិលា ខេត្តព្រះសីហនុ ជាអ្នកបើកបរម៉ូតូ១គ្រឿង ម៉ាកHONDA DREAM ពណ៌ខ្មៅ ពាក់ផ្លាកលេខ ភ្នំពេញ 1LU-4229 ។
តាមសមត្តកិច្ចបានឱហតដឹងថា មុនពេលកើតហេតុ ខណៈមេឃភ្លៀងរលឹម និងលាយឡំផ្គររន្ទះ បុរសរងគ្រោះខាងលើបានជិះម៉ូតូ១គ្រឿង ធ្វើដំណើរក្នុងទិសដៅពីស្រុកស្ទឹងហាវ ឆ្ពោះទៅ វាលរេញ ស្រុកព្រៃនប់ (ទិសដៅពីលិចទៅកើត) លុះមកដល់ចំណុចខាងលើ ស្រាប់តែត្រូវរន្ទះបាញ់ចំ បណ្ដាលអោយជនរងគ្រោះដែលជាអ្នកបើកបរម៉ូតូ រងរបួសសន្លប់ ។
បច្ចុប្បន្ន ជនរងគ្រោះកំពុងសង្គ្រោះនៅគ្លីនិចឯកជនមួយកន្លែង ក្នុងឃុំសំរុង រីឯម៉ូតូ ត្រូវបានសមត្ថកិច្ចយកមករក្សាទុកជាបណ្ដោះអាសន្ននៅអធិការដ្ឋាននគរបាលស្រុកព្រៃនប់ ៕
ចែករំលែកព័តមាននេះ