ប្រទេសវៀតណាម ៖ ការនាំចេញ-នាំចូលសរុបរបស់ប្រទេសវៀតណាម ឈានដល់៦៨០,៦៦ពាន់លានដុល្លារអាមេរិក នៅក្នុងរយៈពេល៩ខែដំបូងនៃឆ្នាំ២០២៥ ពោលកើនឡើង ១៧,៣% បើធៀបនឹងរយៈពេលដូចគ្នា កាលពីឆ្នាំមុន។ យោងតាមទិន្នន័យចេញផ្សាយដោយការិយាល័យស្ថិតិជាតិវៀតណាម…
ប្រទេសវៀតណាម ៖ ការនាំចេញ-នាំចូលសរុបរបស់ប្រទេសវៀតណាម ឈានដល់៦៨០,៦៦ពាន់លានដុល្លារអាមេរិក នៅក្នុងរយៈពេល៩ខែដំបូងនៃឆ្នាំ២០២៥ ពោលកើនឡើង ១៧,៣% បើធៀបនឹងរយៈពេលដូចគ្នា កាលពីឆ្នាំមុន។
យោងតាមទិន្នន័យចេញផ្សាយដោយការិយាល័យស្ថិតិជាតិវៀតណាម កាលពីថ្ងៃទី៦ ខែតុលា ឆ្នាំ២០២៥ បានបង្ហាញថា ការនាំចេញសរុបមានចំនួន៣៤៨,៧៤ពាន់លានដុល្លារ កើនឡើង១៦% ធៀបនឹងឆ្នាំមុន ។ នៅក្នុងចំណោមតួលេខនេះ វិស័យសេដ្ឋកិច្ចក្នុងស្រុករួមចំណែកចំនួន ២៤,៥% ឬនៅក្នុងតម្លៃ ៨៥,៤១ពាន់លានដុល្លារ កើនឡើង ២% ធៀបនឹងឆ្នាំមុន។
ចំណែកវិស័យវិនិយោគបរទេស រួមទាំងប្រេងឆៅមានចំនួន ២៦៣,៣៣ពាន់លានដុល្លារ កើនឡើង ២១,៤%។ ទំនិញសរុបចំនួន៣២ប្រភេទ ដោយមួយចំនួនបានឃើញតម្លៃនៃការនាំចេញកើនលើសពី១ពាន់លានដុល្លារក្នុង១ប្រភេទ តំណាងឱ្យ៩៣,១% ទំហំនៃការនាំចេញសរុប រួមទាំងទំនិញចំនួន៧ប្រភេទ ដែលតម្លៃកើនលើសពី១០ពាន់លានដុល្លារ។
ដោយឡែក ការនាំចូលសរុបរបស់ប្រទេសវៀតណាមមានចំនួន៣៣១,៩២ពាន់លានដុល្លារ នៅអំឡុងពេលដូចគ្នា ពោលកើនឡើង១៨.៨% បើធៀបនឹងរយៈដូចគ្នា កាលពីឆ្នាំមុន។ វិស័យក្នុងស្រុករួមចំណែកចំនួន ១០៥,៦៧ពាន់លានដុល្លារ កើនឡើង ៤,៦% ខណៈពេលដែលវិស័យវិនិយោគបរទេសមានចំនួន ២២៦,២៥ពាន់លានដុល្លារ កើនឡើង២៦,៨%។
ការនាំចូលទំនិញចំនួន៤៣ប្រភេទ មានតម្លៃលើសពី១ពាន់លានដុល្លារក្នុង១ប្រភេទ ដែលស្មើនឹង ៩២,៩% នៃតម្លៃសរុប ដោយក្នុងនោះទំនិញ ៣ ប្រភេទមានតម្លៃលើសពី ១០ពាន់លានដុល្លារ។
ការិយាល័យស្ថិតិជាតិវៀតណាត បានបញ្ជាក់ថា ប្រទេសវៀតណាមបានកត់ត្រាអតិរេកពាណិជ្ជកម្មចំនួន ១៦.៨២ពាន់លានដុល្លារក្នុងរយៈពេល ៩ ខែដំបូង ឆ្នាំនេះ៕ ប្រភព ៖Vietnam Express
ចែករំលែកព័តមាននេះ