ខេត្តកណ្តាល៖ ប្រភពព័ត៌មានបានរាយការណ៍ថា សង្វៀនជល់មាន់ដ៏ល្បីមួយរបស់បងហេង ដែលមានកូនធ្វើប៉ូលិសព្រហ្មទណ្ឌ បានដំណើរការជាធម្មតានៅចំណុចមាត់បឹងមួយកន្លែងក្នុងឃុំក្រាំងយ៉ូវ។ សង្ស័យដោយសារឥទ្ធិពលរបស់កូននោះហើយទើបបងហេង អាចដំណើរ ការសង្វៀនជល់មាន់ដោយមិនញញើត។ ប្រភពពីអ្នកជល់មាន់ឲ្យដឹងថាសង្វៀនជល់មាន់១កន្លែងរបស់បងហេង នៅក្នងភូមិ-ឃុំ…
ខេត្តកណ្តាល៖ ប្រភពព័ត៌មានបានរាយការណ៍ថា សង្វៀនជល់មាន់ដ៏ល្បីមួយរបស់បងហេង ដែលមានកូនធ្វើប៉ូលិសព្រហ្មទណ្ឌ បានដំណើរការជាធម្មតានៅចំណុចមាត់បឹងមួយកន្លែងក្នុងឃុំក្រាំងយ៉ូវ។ សង្ស័យដោយសារឥទ្ធិពលរបស់កូននោះហើយទើបបងហេង អាចដំណើរ ការសង្វៀនជល់មាន់ដោយមិនញញើត។
ប្រភពពីអ្នកជល់មាន់ឲ្យដឹងថាសង្វៀនជល់មាន់១កន្លែងរបស់បងហេង នៅក្នងភូមិ-ឃុំ ក្រាំងយ៉ូវ កំពុងដំណើរ ការដោយគ្មានការ រំខាន ។ បង ហេង មានឥទ្ធិពល ដោយសារកូនប្រុស។ ដូច្នេះ ពួកគេចាប់ផ្ដើមដំណើរ ការយ៉ាងរីករាយនិងទំនុកចិត្ត ហើយទាក់ទាញការចាប់ អារម្មណ៍ពីអ្នកនិយមចូលចិត្តលេងមាន់ជល់មកពីគ្រប់ ទិសទី។ អ្នកជល់មាន់ចូលចិត្តមកលេងសង្វៀនបងហេង ព្រោះមើលទៅមានសុវត្ថិភាពអស់ទាស់ ។ អ្នកកាសែតថតបានជាក់ស្តែង មិនមែនមានតែជល់មាន់ទេ គឺមានទាំងអាប៉ោងមួយវង់នៅកំដរសង្វៀនដ៏អស្ចារ្យនេះផងដែរ ។ បើថតបានជាក់ស្តែងប៉ុណ្ណឹងហើយ នៅតែមិនជឿទេ ក៏គ្មានវាចានឹងថ្លែងដែរ ហេ!…ហេ! ។
បងប្អូនអ្នកជល់មាន់ទាំងឡាយ ហាក់មិនញញើតចំពោះសមត្ថកិច្ចនោះទេ ទំនងជាមានការទទួលខុសត្រូវប្រកប ដោយសុវត្ថិភាពពីម្ចាស់សង្វៀន។ គេថាសង្វៀនជល់មាន់ របស់បងហេងកំពុងបោះទីតាំងនៅមាត់បឹង១កន្លែងក្នុងភូមិ-ឃុំក្រាំងយ៉ូវ ដែលមានប្រជាប្រិយភាពក្នុងស្រុកស្អាង ដោយជល់មាន់ទាល់តែដុះស្លែរ ។ ប្រជាពលរដ្ឋនៅ ក្នុងសហគមន៍ក្បែរខាង បើទោះបីជាមិនសប្បាយចិត្តក៏មិនហ៊ានមាត់ក អ្វីដែរ។ រីឯអភិបាលស្រុកស្អាង ពេលសម្ភាសន៍បានត្រឹមថ្លែងអំណរគុណដល់អ្នកកាសែតដែលជួយផ្ដល់ព័ត៌មាននេះ ។
ព័ត៌មានបន្ថែមនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ