ខេត្តស្វាយរៀង ៖ អគ្គិភ័យមួយបានលេបត្របាក់ឃ្លាំង និងសម្ភារៈផលិតគ្រឿងញៀនមួយកន្លែង ដែលសមត្ថកិច្ចបានបង្ក្រាប និងចាប់ខ្លួនក្រុមឧក្រិដ្ឋជនយកទៅផ្តន្ទាទោសកន្លងមក ក៏ប៉ុន្តែបានបន្សល់ទុកនូវឃ្លាំងនិងសម្ភារៈឧបករណ៍ផលិតគ្រឿងញៀនដែលរក្សាទុកនៅក្នុងឃ្លាំង ។ រហូតមកដល់ខែតុលា ឆ្នាំ២០២៥នេះ…
ខេត្តស្វាយរៀង ៖ អគ្គិភ័យមួយបានលេបត្របាក់ឃ្លាំង និងសម្ភារៈផលិតគ្រឿងញៀនមួយកន្លែង ដែលសមត្ថកិច្ចបានបង្ក្រាប និងចាប់ខ្លួនក្រុមឧក្រិដ្ឋជនយកទៅផ្តន្ទាទោសកន្លងមក ក៏ប៉ុន្តែបានបន្សល់ទុកនូវឃ្លាំងនិងសម្ភារៈឧបករណ៍ផលិតគ្រឿងញៀនដែលរក្សាទុកនៅក្នុងឃ្លាំង ។ រហូតមកដល់ខែតុលា ឆ្នាំ២០២៥នេះ ស្ថាប័នតុលាការឲ្យក្រុមជាងចូលរុះរើសម្ភារៈផលិត ដោយកាត់ផ្សារឧបករណ៍អេឡិចត្រូនិក ស្រាប់តែខ្ទាតកម្ទេចភ្លើងបង្កឱ្យឆាបឆេះតែម្តង គឺស្នាដៃជាងផ្សារ
ដែក ។
បើតាមសមត្ថកិច្ចបានឲ្យដឹងថា ករណីអគ្គិភ័យឆាបឆេះឃ្លាំងនិងសម្ភារៈផលិតគ្រឿងញៀននេះ បានកើតឡើងនៅវេលាម៉ោង៤និង៥៨នាទីរសៀល ថ្ងៃទី៣ ខែតុលា ឆ្នាំ២០២៥ ស្ថិតនៅក្នុងភូមិចុងព្រែក សង្កាត់ស្វាយរៀង ក្រុងស្វាយរៀង ។
ប្រភពបន្តថា ក្រោយទទួលបានព័ត៌មានថាមានករណីឆេះឃ្លាំងដាក់សម្ភារៈមួយកន្លែង ក្រុមពន្លត់អគ្គិភ័យនៃកងរាជអាវុធហត្ថបានដឹកនាំកម្លាំងកងរាជអាវុធហត្ថខេត្តស្វាយរៀង និងកម្លាំងមូល ដ្ឋានកងរាជអាវុធហត្ថក្រុងស្វាយរៀង សហការជាមួយកម្លាំងនគរបាលខេត្ត បានចុះអន្តរា គមន៍ពន្លត់អគ្គិភ័យ ដោយប្រើប្រាស់រថយន្តពន្លត់អគ្គិភ័យចំនួន៥គឿង ក្នុងនោះរថយន្តកងរាជអាវុធហត្ថខេត្តស្វាយរៀងចំនួន២គឿង រថយន្តរបស់នគរបាលខេត្តចំនួន២គឿង និងរថយន្តអធិការដ្ឋាន ១គ្រឿង ប្រើប្រាស់ទឹកអស់ចំនួន ៦រថយន្ត ។
ការឆេះនេះបណ្តាលឱ្យខូចខាតសម្ភារៈមួយចំនួន មូលហេតុក្រុមការងារជាងដែកកាត់ផ្សារធ្វើការរុះរើសម្ភារៈ(គ្រឿងចក្រផលិតគ្រឿងញៀន) មានការធ្វេសប្រហែសបណ្តាលឱ្យមានអណ្តាតភ្លើងឆាបឆេះតែម្តង ។ បច្ចុប្បន្នក្រុមពន្លត់អគ្គិភ័យបានអន្តរាគមន៍ពន្លត់រលត់ទាំងស្រុងហើយ ។
សូមរំលឹកផងដែរ កាលពីថ្ងៃទី៥ ខែកញ្ញា ឆ្នាំ២០២៣ នៅវេលាម៉ោង៨និង៣០នាទីព្រឹក សមត្ថកិច្ចបានចុះស្រាវជ្រាវ និងបង្ក្រាបទីតាំងលួចលាក់កែច្នៃគ្រឿងញៀន១កន្លែងនេះ នៅចំណុចផ្លូវបេតុង (ផែអូរស្មាច់) ស្ថិតក្នុងភូមិចុងព្រែក សង្កាត់ស្វាយរៀង ក្រុងស្វាយរៀង ព្រមទាំងបានឃាត់ខ្លួនជនសង្ស័យចំនួន១១នាក់ជាជនជាតិចិន១០នាក់ ខ្មែរ១នាក់ ហើយបានរឹបអូសវត្ថុតាងរួមមាន ល្បាយកេតាមីនបាស ទម្ងន់ ៦៧៩គីឡូក្រាម សារធាតុគីមីទម្ងន់ ១២តោន ៥០៤គីឡូក្រាម និងឧបករណ៍សម្ភារៈសម្រាប់បម្រើឱ្យការលួចលាក់កែច្នៃគ្រឿងញៀនមួយចំនួនទៀត ៕
ចែករំលែកព័តមាននេះ