បន្ទាយមានជ័យ ៖ នៅពេលទឹកស្រក ប្រជានេសាទនាំគ្នារកត្រីបានលក់ចំណូលក្នុង១ថ្ងៃ លក់បាន៥ទៅ១០ម៉ឺនរៀល នៅថ្ងៃទី០៥ ខែតុលា ឆ្នាំ២០២៥នៅភូមិសាស្ត្រស្រុកមង្គលបូរី ។ ជាក់ស្តែងឃើញនៅស្ពានក្នុងភូមិគោកក្តួច…
បន្ទាយមានជ័យ ៖ នៅពេលទឹកស្រក ប្រជានេសាទនាំគ្នារកត្រីបានលក់ចំណូលក្នុង១ថ្ងៃ លក់បាន៥ទៅ១០ម៉ឺនរៀល នៅថ្ងៃទី០៥ ខែតុលា ឆ្នាំ២០២៥នៅភូមិសាស្ត្រស្រុកមង្គលបូរី ។
ជាក់ស្តែងឃើញនៅស្ពានក្នុងភូមិគោកក្តួច ឃុំគោកបល័ង្គ និងនៅប្រឡាយព្រែកសឿឃុំសឿ និងព្រែកចំណោម ឃុំចំណោមក្នុងភូមិសាស្ត្រ ស្រុកមង្គលបូរី គេឃើញប្រជានេសាទបាននាំគ្នាជិះឡាន ម៉ូតូ មកបង់ និងបោយត្រី តាមមុខស្ពាន និងសំណង់ទឹកហូរបានត្រីចម្រុះ មានភាគច្រើនមានត្រីស ត្រីរៀល ត្រីឆ្ពិន ត្រីឆ្លូញ ត្រីឆ្លាំង និងត្រីផ្សេងៗដែលលក់បាន១ថ្ងៃ អាចរកចំណូលពី៥ម៉ឺនរៀល ទៅ១០ម៉ឺនរៀល ។
លោក ជា ទី មេឃុំសឿ បានប្រាប់ថា ៖ នៅប្រឡាយព្រែកសឿ និងព្រែកចំណោម ទឹកថ្ងៃនេះ ស្រកប្រមាណជាង៥ហ៊ុនរយៈជាង១សប្តាហ៍នេះ ជំនន់ទឹកភ្លៀងបានហក់ឡើងខ្លាំង បណ្តាលប្រឡាយព្រែកសឿទឹកហូរច្រុះដាច់មុខសំណង់ព្រែកសឿ តែប្រជាពលរដ្ឋអាចធ្វើដំណើរទៅមកបានជាធម្មតានៅស្ពានឆ្លងសំណង់បង្ហៀរទឹក តែគោយន្ត និងត្រាក់ទ័រ មិនអាចឆ្លងសំណង់បង្ហៀរទឹកបាននៅឡើយទេ ព្រោះទឹកហូរខ្លាំង ។
លោក ឡាយ សុធី អនុប្រធានមន្ទីធនធានទឹក និងឧតុនិយម ខេត្តបន្ទាយមានជ័យបានបញ្ជាក់ថា ៖ ស្ថានភាពទឹកនៅខេត្តបន្ទាយមានជ័យថ្ងៃនេះនៅអាងត្រពាំងថ្ម ស្រុកភ្នំស្រុកកំរិតទឹក៣.៥៥ម៉ែត្រ ប្រកាសអាសន្ន និងប្រុងប្រយ័ត្នកម្រិតទឹក៣.៥ម៉ែត្រ ស្ទឹងស្ពានស្រែងស្រុកភ្នំស្រុកម្រិតទឹក៦.១៥ម៉ែត្រ ប្រកាសអាសន្ន៦.៥០ម៉ែត្រ ស្ទឹងសិរីសោភ័ណកម្រិតទឹក៦.៨៤ម៉ែត្រ ប្រកាសអាសន្ន៥.៥០ម៉ែត្រ ៕
ចែករំលែកព័តមាននេះ