មកដល់ខែសីហា ឆ្នាំ២០២៥ សហរដ្ឋអាមេរិកបានក្លាយជាទីផ្សារទេសចរណ៍ធំលំដាប់ទី៤ របស់កម្ពុជា ដោយទាក់ទាញភ្ញៀវទេសចរសរុបប្រមាណជាជាង១៤ម៉ឺននាក់ ។ តាមស្ថិតិដែលប្រកាសដោយក្រសួងទេសចរណ៍ កាលពីដើមខែតុលា ឆ្នាំ២០២៥ បានឲ្យដឹងថា…
មកដល់ខែសីហា ឆ្នាំ២០២៥ សហរដ្ឋអាមេរិកបានក្លាយជាទីផ្សារទេសចរណ៍ធំលំដាប់ទី៤ របស់កម្ពុជា ដោយទាក់ទាញភ្ញៀវទេសចរសរុបប្រមាណជាជាង១៤ម៉ឺននាក់ ។
តាមស្ថិតិដែលប្រកាសដោយក្រសួងទេសចរណ៍ កាលពីដើមខែតុលា ឆ្នាំ២០២៥ បានឲ្យដឹងថា ចំនួនពលរដ្ឋអាមេរិក ដែលបានមកកម្សាន្តនៅកម្ពុជាពីខែមករា ដល់ខែសីហា គឺមានចំនួនប្រមាណជាជាង១៤ម៉ឺននាក់ ក្លាយជាភ្ញៀវទេសចរលំដាប់ទី៤ បន្ទាប់ពីថៃ វៀតណាម ចិន ។
ភ្ញៀវទេសចរបរទេសមកកម្សាន្តនៅកម្ពុជាតិចជាងសហរដ្ឋអាមេរិក គឺមានឡាវ កូរ៉េខាងត្បូង ឥណ្ឌូនេស៊ី បារាំង អង់គ្លេស និងជប៉ុន ។
ប្រភពដដែលបានឲ្យដឹងថា នៅរយៈពេល៨ខែនេះ ភ្ញៀវទេសចរសរុបមកកាន់កម្ពុជាមានប្រមាណជា៤,០៥លាននាក់ ធ្លាក់ចុះប្រមាណជា៥,៦ភាគរយ បើធៀបនឹងរយៈពេលដដែល កាលពីឆ្នាំ២០២៤ ៕
ចែករំលែកព័តមាននេះ