ខេត្តកំពង់ឆ្នាំង ៖ គិតត្រឹមថ្ងៃទី៤ ខែតុលា ឆ្នាំ២០២៥ នេះ ទោះបីស្ថានភាពទឹកជំនន់សម្រាប់ខេត្តកំពង់ឆ្នាំងមិនទាន់ត្រូវបានប្រកាសអាសន្តក្តី ក៏តាមតំបន់មួយចំនួនត្រូវបានលិចទឹកជាបណ្ដើរៗហើយ ដែលធ្វើឲ្យការរស់នៅរបស់បងប្អូនប្រជាពលរដ្ឋ នៅតាមដីទំនៀបរងការប៉ះពាល់។…
ខេត្តកំពង់ឆ្នាំង ៖ គិតត្រឹមថ្ងៃទី៤ ខែតុលា ឆ្នាំ២០២៥ នេះ ទោះបីស្ថានភាពទឹកជំនន់សម្រាប់ខេត្តកំពង់ឆ្នាំងមិនទាន់ត្រូវបានប្រកាសអាសន្តក្តី ក៏តាមតំបន់មួយចំនួនត្រូវបានលិចទឹកជាបណ្ដើរៗ
ហើយ ដែលធ្វើឲ្យការរស់នៅរបស់បងប្អូនប្រជាពលរដ្ឋ នៅតាមដីទំនៀបរងការប៉ះពាល់។
ក្នុងស្ថានភាពនេះ គេឃើញអាជ្ញាធរ ខេត្ត ស្រុក និងមន្ទីរពាក់ព័ន្ធ ចុះជួយបងប្អូនប្រជាពលរដ្ឋដល់ទីលំនៅឋានរងគ្រោះផងដែរ។ មិនមានតួលេខពិតប្រាកដនៃអ្នករងគ្រោះរងប៉ះពាល់ដោយសារទឹកជំនន់នោះទេ ប៉ុន្តែទទួលបានព័ត៌មានថា មាននៅស្រុកកំពង់ត្រឡាច ស្រុកជល់គីរី និងស្រុកកំពង់លែង ។
បើយោងតាមស្ថានីយ៍ជលសាស្ត្រទន្លេសាបផ្សារក្រោមរបស់មន្ទីរធនធានទឹក និងឧតុនិយមខេត្តកំពង់ឆ្នាំងបានបញ្ជាក់ថា នៅថ្ងៃទី៤ ខែតុលា នេះ ទឹកមានកម្ពស់៩,៦១ម៉ែត្រ ខ្ពស់ជាងថ្ងៃម្សិលមិញ០,០៦ម៉ែត្រ បើប្រៀបធៀបទៅនឹងថ្ងៃទី៤ ខែតុលា ឆ្នាំ២០២៤ ទឹកមានកម្ពស់៨,៨៥ម៉ែត្រ គឺខ្ពស់ជាងឆ្នាំកន្លង០,៧៦ម៉ែត្រ ។
សម្រាប់កម្ពស់ទឹកត្រូវប្រកាសអាសន្នឱ្យប្រុងប្រយ័ត្ន គឺមានកម្ពស់១០,៥០ម៉ែត្រ ដូច្នេះ នៅខ្វះ០,៨៩ម៉ែត្រទៀត នឹងត្រូវប្រកាសអាសន្នហើយ ។ ក្នុងស្ថានភាពបែបនេះ អាជ្ញាធរខេត្ត ស្រុក តែងបានប្រកាសឲ្យបងប្អូនប្រជាពលរដ្ឋរស់តាមដងទន្លេ និងតំបន់វាលទំនាប សូមមេត្តាប្រុងប្រយ័ត្ន បើសង្ស័យសូមផ្លាស់ទី ទៅរកពីទួលមានសុវត្ថិភាពមុនពេលអាសន្នមកដល់ ៕
ចែករំលែកព័តមាននេះ