ដើម្បីសម្រកទម្ងន់ និងទទួលបានរាងស្អាត អាហារពេលព្រឹកដើរតួយ៉ាងសំខាន់ ។ ការជ្រើសរើសអាហារត្រឹមត្រូវនឹងជួយឲ្យអ្នកឆ្អែតបានយូរ កាត់បន្ថយការឃ្លានអាហារបន្ទាប់បន្សំ និងជំរុញការរំលាយអាហារ ។ គោលការណ៍សម្រាប់អាហារពេលព្រឹកដើម្បីស្រកគីឡូ ១.ផ្ដោតលើជាតិប្រូតេអ៊ីន…
ដើម្បីសម្រកទម្ងន់ និងទទួលបានរាងស្អាត អាហារពេលព្រឹកដើរតួយ៉ាងសំខាន់ ។ ការជ្រើសរើសអាហារត្រឹមត្រូវនឹងជួយឲ្យអ្នកឆ្អែតបានយូរ កាត់បន្ថយការឃ្លានអាហារបន្ទាប់បន្សំ និងជំរុញការរំលាយអាហារ ។
គោលការណ៍សម្រាប់អាហារពេលព្រឹកដើម្បីស្រកគីឡូ
១.ផ្ដោតលើជាតិប្រូតេអ៊ីន និងជាតិសរសៃ (Fiber)៖
-ប្រូតេអ៊ីន ជួយឲ្យអ្នកឆ្អែតបានយូរ និងជួយរក្សាសាច់ដុំ ។ ឧទាហរណ៍៖ ស៊ុត ទឹកដោះគោជូរ (Yogurt) ដែលគ្មានជាតិស្ករ និងសាច់សុទ្ធ ។
-ជាតិសរសៃ ជួយឲ្យប្រព័ន្ធរំលាយអាហារដំណើរការល្អ និងកាត់បន្ថយការស្រូបយកជាតិខ្លាញ់។ ឧទាហរណ៍៖ ផ្លែឈើ បន្លែ និងគ្រាប់ធញ្ញជាតិទាំងមូល (Whole Grains)។
២.កាត់បន្ថយជាតិស្ករ និងកាបូអ៊ីដ្រាតដែលចម្រាញ់រួច (Refined Carbs)៖
-អាហារដូចជា នំប៉័ងស នំកញ្ចប់ ឬទឹកផ្លែឈើកំប៉ុង អាចបង្កើនជាតិស្ករក្នុងឈាមយ៉ាងលឿនដែលធ្វើឲ្យអ្នកឃ្លានលឿនវិញ ។ គួរជំនួសដោយនំប៉័ងគ្រាប់ធញ្ញជាតិ (Whole-wheat bread) ឬបបរអូត (Oatmeal)។
៣.កុំភ្លេចជាតិខ្លាញ់ល្អ (Healthy Fats)៖
-ជាតិខ្លាញ់ល្អ ដូចជាមានក្នុងផ្លែបឺរ គ្រាប់ធញ្ញជាតិ និងប្រេងអូលីវ អាចជួយបំពេញកម្លាំង និងកាត់បន្ថយការឃ្លានអាហារផ្អែមផងដែរ។
ក្រៅពីអាហារពេលព្រឹក ការហាត់ប្រាណជាប្រចាំ និងការគេងឲ្យបានគ្រប់គ្រាន់ក៏ជាកត្តាសំខាន់ដែលមិនអាចខ្វះបានក្នុងការសម្រកទម្ងន់ ៕
ចែករំលែកព័តមាននេះ