ប្រទេសអេស្ប៉ាញ ៖ ក្រសួងសុខាភិបាលអេស្ប៉ាញ ប្រកាសនាថ្ងៃទី២ តុលា ថា ធាតុអាកាសក្ដៅខ្លាំងនៅអេស្ប៉ាញ បណ្ដាលឲ្យមនុស្សស្លាប់ដល់៣៨៣០នាក់ រវាងថ្ងៃទី១៦ឧសភា និងថ្ងៃទី៣០កញ្ញា…
ប្រទេសអេស្ប៉ាញ ៖ ក្រសួងសុខាភិបាលអេស្ប៉ាញ ប្រកាសនាថ្ងៃទី២ តុលា ថា ធាតុអាកាសក្ដៅខ្លាំងនៅអេស្ប៉ាញ បណ្ដាលឲ្យមនុស្សស្លាប់ដល់៣៨៣០នាក់ រវាងថ្ងៃទី១៦ឧសភា និងថ្ងៃទី៣០កញ្ញា ឆ្នាំ២០២៥ ដែលនោះជាតួលេខមួយមានការកើនឡើងដល់៨៧,៦% ។
តាមក្រសួងសុខាភិបាលអេស្ប៉ាញថា ជាង៦៥%នៃអ្នកស្លាប់ទាំងនេះ ទាក់ទិននឹងមនុស្សចាស់មានអាយុចាប់ពី៨៥ឆ្នាំទៅនិងជិត៩៦%នៃមនុស្សមានអាយុចាប់ពី៦៥ឆ្នាំទៅ។ ទោះបីយ៉ាងណាក្នុងសេចក្ដីប្រកាសមួយក្រសួងសុខាភិបាលអេស្ប៉ាញលើកឡើងថា តួលេខនោះអាចមានការកែឡើងវិញទៀត។
ភាគច្រើននៃជនរងគ្រោះទាំងនោះ ជាអ្នកមានជំងឺប្រចាំកាយ ឬប្រើប្រាស់ថ្នាំដែលងាយប៉ះពាល់ជាមួយកម្ដៅ ពេលកំពុងស្ថិតនៅកន្លែងធ្វើការ ឬនៅកន្លែងកម្សាន្ត ស្រាប់តែជួបធាតុអាកាសក្ដៅភ្លាមៗ ។ ឆ្នាំនេះ អេស្ប៉ាញជួបប្រទះធាតុអាកាសក្ដៅខ្លាំងបំផុត ពុំធ្លាប់មានចាប់តាំងពីឆ្នាំ១៩៦១មកដោយនៅក្រុងម៉ាឌ្រីដសីតុណ្ហភាព បានឡើងដល់៤០អង្សាសេ៕
ចែករំលែកព័តមាននេះ