ខេត្តតាកែវ៖ ស្ត្រីពិការភ្នែកឈ្មោះហ៊ី សុខាអាយុ៤៣ឆ្នាំរស់នៅភូមិ-ឃុំស្នោរ ស្រុកព្រៃកប្បាស ខេត្តតាកែវបានរៀបរាប់ឱ្យអ្នកយកព័ត៏មានដឹងថា កាលពីថ្ងៃទី២៧ ខែកញ្ញាកន្លងទៅថ្មីៗនេះថា មានបុរសម្នាក់ឈ្មោះឡុង ង៉ែត អាយុជាង៦០ឆ្នាំរស់នៅភូមិ-ឃុំជាមួយគ្នាបានយកកាំបិតមកកាប់ផលដំណាំរបស់គាត់និងបានជេរដៀលគាត់សុទ្ធតែម៉ីខ្វាក់ដោយគ្មានមូលហេតុធ្វើឱ្យអ្នកផ្ទះរបស់គាត់សុទ្ធតែជាស្ត្រីមេម៉ាយភយ័ស្លន់ស្លោគ្រប់ៗគ្នា។
ក្រោយកើតហេតុនៅថ្ងៃទី២៩ខែកញ្ញា ស្ត្រីពិកាភ្នែកបានទៅដាក់ពាក្យបណ្តឹងនៅមូលដ្ឋានកងរាជអាវុធហត្ថស្រុកព្រៃកប្បាស ដោយរៀបរាប់តាមដំណើររឿង និងភ្ជាប់នូវរូបភាពភស្ត័តាង ដែលលោកឡុង ង៉ែត ធ្វើសកម្មភាពជាក់ស្ដែងជូនមន្ត្រី្តមានសមត្ថកិច្ចដើម្បីចាត់វិធានការតាមផ្លូវច្បាប់។
ស្ត្រីពិការខាងលើបានឱ្យដឹងទៀតថា លោកស្រីបានត្រឹមទទួលទូរសព្ទ័របស់មូលដ្ឋានកងរាជអាវុធហត្ថស្រុកព្រៃកប្បាសហៅឱ្យទៅសម្របសម្រួលគ្នាដើម្បីបញ្ជប់រឿង។ តែអ្នកស្រីមិនសម្របសម្រួលបញ្ចប់រឿងនោះទេព្រោះបុគ្គលខាងលើបានរករឿងមកលើលោកស្រីច្រើនលោកច្រើនសាមកហើយ។ លោកស្រីសុំឱ្យតែមេបញ្ជាកាមូលដ្ឋានកងរាជអាវុធហត្ថស្រុកព្រៃកប្បាស មេត្តាបញ្ជូនតែបណ្តឹងរបស់លោកស្រីទៅថ្នាក់លើបន្តទៀតព្រោះលោកស្រីបានផ្តិតមេដៃលើពាក្យបណ្តឹងរួចរាល់ហើយ។
ជុំវិញករណីខាងលើនេះលោកជុំ ម៉ៅមេបញ្ជាកាមូលដ្ឋានស្រុកព្រៃកប្បាសបានឱ្យដឹងថា លោកពិតជាបានទទួលពាក្យបណ្តឹងពីស្ត្រីខាងលើមែន។ តែលោកមិនបានរាយការណ៍ជូនថ្នាក់លើនោះទេ។ ព្រោះក្នុងពាក្យបណ្ដឹងមិនទាន់ផ្តិតមេដៃ ហើយលោកក៏បានហៅលោកឡុង ង៉ែតមកសាសួរ ។ លោកឡុង ង៉ែតទទួលស្គាល់និងចង់ផ្សះផ្សាបញ្ចប់រឿងតែភាគីដើមបណ្ដឹងមិនព្រម។ លោកជុំ ម៉ៅ ឱ្យដឹងទៀតថា លោកមិនអាចបញ្ជូនពាក្យបណ្តឹងទៅថ្នាក់លើបានទេ,សុំឱ្យស្ត្រីខាងលើរកមេធាវីទៅដាក់ ពាក្យបណ្ដឹងនៅតុលាការតែម្ដងទៅ។
ជាចុងក្រោយស្ត្រីពិការខាងលើសំណូមពដល់ថ្នាក់ ដឹកនាំក្នុងខេត្តតាកែវជួយរកយុត្តិធម៌ឱ្យគាត់ផងព្រោះគ្រួសារលោកស្រីសុទ្ធតែស្ត្រីមេម៉ាយរស់នៅរងការគម្រាមពីលោកឡុង ង៉ែត គ្មានឈប់និងស្នើសុំអ្នកច្បាប់ជួយបកស្រាយផងហេតុអ្វីបានជាពាក្យបណ្តឹងរបស់លោក ស្រីមិនអាចបញ្ជូនទៅថ្នាក់លើកើតវានៅខ្វះចន្លោះអ្វីទៀត?
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ