រដ្ឋមន្ត្រីក្រសួងធនធានទឹក ចុះពិនិត្យស្ថានភាពទឹកជំនន់នៅប្រឡាយខ្នាត ស្ពានកំពង់ក្តី
ខេត្តសៀមរាប ៖ នាថ្ងៃទី២៧ ខែកញ្ញា ឆ្នាំ២០២៥ ឯកឧត្តម ថោ សេដ្ឋា រដ្ឋមន្ត្រីក្រសួងធនធានទឹក និងឧតុនិយម…
ខេត្តសៀមរាប ៖ នាថ្ងៃទី២៧ ខែកញ្ញា ឆ្នាំ២០២៥ ឯកឧត្តម ថោ សេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយលោក ប្រាក់ សោភ័ណ អភិបាល នៃគណៈអភិបាលខេត្តសៀមរាប បានចុះពិនិត្យស្ថានភាពទឹកជំនន់ នៅប្រឡាយខ្នាត ស្ថិតក្នុងភូមិកំពង់ក្តី១ ឃុំកំពង់ក្តី និងនៅស្ពានកំពង់ក្តី ភូមិកំពង់ក្តី២ ឃុំកំពង់ក្តី ស្រុកជីក្រែង ដើម្បីធ្វើការបញ្ចៀសទឹក កុំឱ្យបន្តការជន់លិចហេដ្ឋាចនាសម្ព័ន្ធ វត្តអារ៉ាម សាលារៀន និងផ្ទះបងប្អូនប្រជាពលរដ្ឋ ។
ការចុះពិនិត្យផ្ទាល់អំពីស្ថានភាព នៃផលប៉ះពាល់ដោយសារជំនន់ទឹកភ្លៀង នៅក្នុងភូមិសាស្ត្រស្រុកជីក្រែង នៃខេត្តសៀមរាប ដោយបានណែនាំដល់អាជ្ញាធរមូលដ្ឋាន និងមន្ទីរជំនាញពាក់ព័ន្ធ ត្រូវរួមសហការគ្នាធ្វើការវាយតម្លៃ នៃការខូចខាតឱ្យបានច្បាស់លាស់ និងលើកផែនការជាក់លាក់ ដើម្បីជាវិធានការជួយដល់ប្រជាពលរដ្ឋរងផលប៉ះពាល់នៃទឹកជំនន់ ជាងនេះទៅទៀតត្រូវត្រៀមការឆ្លើយតបជាប្រចាំ ជាពិសេសទីតាំង ដែលងាយរងការជន់លិច ៕
ចែករំលែកព័តមាននេះ