ខេត្តកំពង់ចាម: ស្ថិតនៅលើដែនកោះដែលហ៊ុមព័ទ្ធដោយទឹកទន្លេមេគង្គ និងជាស្រុកកំណើតសម្ដេចវិបុលសេនាភក្ដី សាយ ឈុំ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជានិងលោកជំទាវ ប្រារព្ធពិធីសូត្រមន្តតាមគន្លងព្រះពុទ្ធសាសនា ដោយបាននិមន្តព្រះសង្ឃចំនួន៤អង្គ ធ្វើឡើងនៅសាលាសន្សំកុសលនៅភូមិ១០ ឃុំកោះសូទិន…
ខេត្តកំពង់ចាម: ស្ថិតនៅលើដែនកោះដែលហ៊ុមព័ទ្ធដោយទឹកទន្លេមេគង្គ និងជាស្រុកកំណើតសម្ដេចវិបុលសេនាភក្ដី សាយ ឈុំ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជានិងលោកជំទាវ ប្រារព្ធពិធីសូត្រមន្តតាមគន្លងព្រះពុទ្ធសាសនា ដោយបាននិមន្តព្រះសង្ឃចំនួន៤អង្គ ធ្វើឡើងនៅសាលាសន្សំកុសលនៅភូមិ១០ ឃុំកោះសូទិន ស្រុកកោះសូទិន នារសៀលថ្ងៃទី២៨តុលា ឆ្នាំ២០២៥ ។ជាមួយនោះមានការអញ្ជើញចូលរួមពីពូ មីង លោកតាលោកយាយ មកពីតាមបណ្ដាភូមិនានាអ្នកនៅកោះប៉ែននិងកោះសូទិន ។
លោកស្រីស៊ុន ចន្ថា មេឃុំកោះសូទិនបានឱ្យដឹងថា: ជារឿយៗសម្ដេចវិបុលសេនាភក្តីសាយ ឈុំ ព្រមទាំងក្រុមគ្រួសារក្នុងរដូវភ្ជុំបិណ្ឌក៏ដូចជាបុណ្យចូលឆ្នាំប្រពៃណីជាតិខ្មែរ តែងតែអញ្ជើញមកស្រុកកំណើតនៅឃុំកោះសូទិន ស្រុកកោះសូទិន។ ដោយបានរៀបចំពិធីចែកអំណោយដាក់ទានដល់បងប្អូនប្រជាពលរដ្ឋនៅតាមភូមិនានាដែលមានជីវភាពខ្វះខាត ពេលខ្លះទៀតក៏បានផ្ដល់អាហារសាមគ្គីជូនពលរដ្ឋទាំងកម្ពុជានិងបងប្អូនខ្មែរឥស្លាមក្នុងប្រយោជន៍បង្ហាញពីសាមគ្គីគ្នាទៅវិញទៅមកក្រោមម្លប់សន្តិភាព។
មេឃុំកោះសូទិនបន្តឲ្យដឹងទៀតថាជាក់ស្ដែងនារសៀលថ្ងៃទី២៨តុលានាឱកាសនោះ អមដំណើរដោយឯកឧត្តមអ៊ុន ចាន់ដា អភិបាលខេត្ត ព្រមទាំងសហការីបានអញ្ជើញចូលរួមពិធីបុណ្យក្ខិណានុប្បទានគម្រប់ខួប១០០ថ្ងៃ និងបញ្ចុះអដ្ឋិធាតុ លោកស្រី សុទ្ធ ចាន់ណា នៅសាលាសន្សំកុសលនេះ ។ នាឱកាសនោះគេឃើញមានវត្តមានលោកផេន សុផល អភិបាលរងខេត្តកំពង់ចាមអាជ្ញាធរមូលដ្ឋានគ្រប់លំដាប់ថ្នាក់។
សូមបញ្ជាក់ថាកម្មវិធីបុណ្យនេះត្រូវបានសម្ដេចជួយទំនុកបម្រុងទាំងស្រុងព្រោះជាប់សាច់ញាតិនិងសម្ដេចផងដែរ។
ជាមួយនោះសម្ដេចបានបរិច្ចាគធនធានកសាងផ្លូវបេតុងខ្វាត់ខ្វែងរួមទាំងសាលារៀនសម្រាប់ជាថ្នាលបណ្ដុះចំណេះដឹងដល់កូនចៅស្រុកភូមិតំបន់នោះ មានអ្នកខ្លះក្លាយជាមន្ត្រីរាជការនាម៉ឺនព្រមទាំងមានឋានៈខ្ពស់ក្នុងជួររាជរដ្ឋាភិបាលទៀតផង ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ