រាជធានីភ្នំពេញ ៖ រថយន្តបែនដឹកថ្ម មួយគ្រឿង បានបុករថយន្តសណ្តោងកុងតឺន័រ បើកឆ្លងផ្លូវ បណ្តាលអោយអ្នកបើបររថយន្តបែនដឹកថ្ម គៀបជាប់ក្នុងកាប៊ីន រងរបួសធ្ងន់ ត្រូវបានក្រុមសង្គ្រោះ៧១១…
រាជធានីភ្នំពេញ ៖ រថយន្តបែនដឹកថ្ម មួយគ្រឿង បានបុករថយន្តសណ្តោងកុងតឺន័រ បើកឆ្លងផ្លូវ បណ្តាលអោយអ្នកបើបររថយន្តបែនដឹកថ្ម គៀបជាប់ក្នុងកាប៊ីន រងរបួសធ្ងន់ ត្រូវបានក្រុមសង្គ្រោះ៧១១ នៃកងពលតូចលេខ៧០ ជួយសង្គ្រោះបញ្ជូនទៅមន្ទីពេទ្យជាតិ តេជោ សន្តិភាព ។
ហេតុការណ៍គ្រោះថ្នាក់ចរាចរណ៍នោះ បានកើតឡើងនៅពីវេលាម៉ោង០៤និង១៥នាទីល្ងាចថ្ងៃទី២៨ ខែតុលា ឆ្នាំ២០២៥ តាមបណ្តោយមហាវិថីឈ្នះឈ្នះ ចំណុចមុខវត្តអង្គក្រពើ ក្នុងភូមិត្រពាំងវែង សង្កាត់គោករកា ខណ្ឌព្រែកព្នៅ រាជធានីភ្នំពេញ ។
ជនរងគ្រោះ ដែលត្រូវបានសង្គ្រោះឈ្មោះ ឆាំ បារាំង ភេទប្រុស អាយុ២៧ឆ្នាំ មុខរបរជាអ្នកបើកបររថយន្តដឹកថ្ម មានទីលំនៅក្នុងភូមិសោមដែក ឃុំបន្ទះស្ទោង ស្រុកស្ទោង ខេត្តកំពង់ធំ បានរងរបួសជើងខាងស្តាំ ។
បើតាមសាក្សីបានឲ្យដឹងថា នៅមុនពេលកើតហេតុ គេបានរថយន្តបែនដឹកថ្ម ម៉ាកនីស្សាន់ ពណ៌ស លាយខៀវចាស់ ពាក់ស្លាកលេខត្បូងឃ្មុំ 3A-2272 មួយគ្រឿង ធ្វើដំណើរតាមបណ្តោយមហាវិថីឈ្នះឈ្នះ ក្នុងទិដៅពីលិចទៅកើត ក្នុងល្បឿនលឿន។ ខណៈពេលមកដល់ចំណុចកើតហេតុ ក៏បានបុក ពីក្រោយ ចំកន្ទុយរថយន្តដឹកកុងតឺន័រ ម៉ាកនីស្សាន់ ពណ៌ត្រួយចេក លាយស ពាក់ស្លាកលេខភ្នំពេញ 3B-9969 មួយគ្រឿង ដែលបើកចេញពីផ្លូវ បេតុង បើកឆ្លងមហាវិថីឈ្នះឈ្នះ ក្នុងទិសដៅពីត្បូងទៅជើង ។
តាមសាក្សីបានឲ្យដឹងថា នៅក្នុងគ្រោះថ្នាក់នោះ រថយន្តដឹកថ្ម បានបុកពេញទំហឹងបណ្ដាលឲ្យរថយន្តបែន ខ្ទេចមុខ ហើយគៀបជាប់អ្នកបើកបរនៅក្នុងកាប៊ីន។ ក្រោយកើតហេតុ អ្នកបើកបររថយន្តសណ្តោងកុងតឺន័រ បានបើកទ្វារចុះរត់គេចខ្លួនបាត់ស្រមោល ។
តាមព័ត៌មានឲ្យដឹងទៀតថា បន្ទាប់ពីកើតមានគ្រោះថ្នាក់លើមហាវិថីឈ្នះឈ្នៈ បានកកស្ទះយ៉ាងខ្លាំង។ ភ្លាមៗនគរបាលមូលដ្ឋាន បានចុះទៅសម្រួលចរាចរណ៍ និងទាក់ទងក្រុមសង្គ្រោះ៧១១ នៃកងពលតូចលេខ៧០ ជួយសង្គ្រោះ រួចបញ្ជូនទៅកាន់មន្ទីពេទ្យជាតិ តេជោ សន្តិភាព ។
រថយន្តទាំងពីរគ្រឿង ត្រូវបាននគរបាលចុះទៅវាស់វែង រួចបញ្ជូនទៅកាន់អធិការដ្ឋានខណ្ឌព្រែកព្នៅ ដើម្បីដោះស្រាយ ៕
ចែករំលែកព័តមាននេះ