កម្ពុជានៅក្នុងចំណោមប្រទេសដែលត្រូវបានគេដឹងថា បានកំពុងតែនាំចូលផ្លែដូងស្រស់ពីប្រទេសវៀតណាម មកបម្រើសេចក្តីត្រូវការនៅក្នុងស្រុក ។ សារព័ត៌មានវៀតណាម VN Express បានឲ្យដឹងថា កម្ពុជានៅក្នុងចំណោមប្រទេស១៦ ដែលបាននាំចូលដូងស្រស់ពីវៀតណាម…
កម្ពុជានៅក្នុងចំណោមប្រទេសដែលត្រូវបានគេដឹងថា បានកំពុងតែនាំចូលផ្លែដូងស្រស់ពីប្រទេសវៀតណាម មកបម្រើសេចក្តីត្រូវការនៅក្នុងស្រុក ។
សារព័ត៌មានវៀតណាម VN Express បានឲ្យដឹងថា កម្ពុជានៅក្នុងចំណោមប្រទេស១៦ ដែលបាននាំចូលដូងស្រស់ពីវៀតណាម នៅក្នុងរយៈពេលពីខែមករា ដល់ខែកក្កដា ឆ្នាំ២០២៥ ។
សារព័ត៌មាននេះ មិនបានឲ្យដឹងអំពីបរិមាណនៃការនាំចេញដូងវៀតណាមមកកាន់កម្ពុជានោះទេ ប៉ុន្តែនៅក្នុងចំណោមប្រទេសទាំងនោះ គឺកម្ពុជានៅស្ថិតនៅក្នុងលំដាប់ថ្នាក់ទី១៣ ខណៈដែលទីផ្សារដូងធំបំផុតរបស់វៀតណាម នៅពេលនេះ គឺអាមេរិក ចិន អូស្ត្រាលី ថៃ សហភាពអារ៉ាប់អេមីរ៉ាត អេស៊ីប កាណាដា ជាដើម ។
ពីខែមករា ដល់ខែកក្កដា វៀតណាម នាំចេញផ្លែដូងស្រស់ សរុបប្រមាណជា៣០៦លានដុល្លារ កើនឡើង៤០ភាគរយ ដោយអាមេរិកនាំចូលដូងពីវៀតណាមសរុប៨២លានដុល្លារ ហើយចិននាំចូល៦៧ លានដុល្លារ ។
កាលពីឆ្នាំ២០២៤ វៀតណាម មានផ្ទៃដីចំការដូងតែ២សែនហិកតាទេ ប៉ុន្តែអាចនាំចេញដូងសរុបបានប្រមាណជា ២ លានតោន ៕
ចែករំលែកព័តមាននេះ