ខេត្តមណ្ឌលគិរី ៖ ទឹកជំនន់ដែលបានជន់លិចស្រុកកោះញែក រយៈពេលប៉ុន្មានថ្ងៃចុងក្រោយនេះ បានចាប់ផ្តើមស្រកទៅវិញបណ្តើរៗហើយ នៅព្រឹកថ្ងៃទី២៤ ខែកញ្ញានេះ ក្រោយពីភ្លៀងធ្លាក់ខ្លាំងជាប់ៗគ្នាធ្វើឱ្យកម្ពស់ទឹកទន្លេស្រែពកឡើងខ្ពស់ ។ អាជ្ញាធរស្រុកបានអន្តរាគមន៍ជួយសង្គ្រោះប្រជាពលរដ្ឋបានទាន់ពេលវេលា…
ខេត្តមណ្ឌលគិរី ៖ ទឹកជំនន់ដែលបានជន់លិចស្រុកកោះញែក រយៈពេលប៉ុន្មានថ្ងៃចុងក្រោយនេះ បានចាប់ផ្តើមស្រកទៅវិញបណ្តើរៗហើយ នៅព្រឹកថ្ងៃទី២៤ ខែកញ្ញានេះ ក្រោយពីភ្លៀងធ្លាក់ខ្លាំងជាប់ៗគ្នាធ្វើឱ្យកម្ពស់ទឹកទន្លេស្រែពកឡើងខ្ពស់ ។
អាជ្ញាធរស្រុកបានអន្តរាគមន៍ជួយសង្គ្រោះប្រជាពលរដ្ឋបានទាន់ពេលវេលា ដោយជម្លៀសពួកគាត់ទៅកាន់ទីទួលសុវត្ថិភាព ដូច្នេះហើយមិនមានករណីបាត់បង់អាយុជីវិតនោះទេ ។
លោក សី ទូច អភិបាលស្រុកកោះញែក បានបញ្ជាក់ថា ការវាយតម្លៃពីទំហំនៃការខូចខាតសរុប មិនទាន់អាចធ្វើទៅបាននៅឡើយទេ ព្រោះទឹកមិនទាន់ស្រកអស់ទាំងស្រុង ។
ទោះជាយ៉ាងណា លោកបានរាយការណ៍ពីផលប៉ះពាល់បឋមគិតត្រឹមថ្ងៃទី២៣ ខែកញ្ញា ឆ្នាំ២០២៥ ទៅលើឃុំចំនួន ៦ រួមមាន ៖
-ឃុំណងឃីលិក៖ ផ្លូវចំនួន ៤ កន្លែងប្រវែងប្រហែល១,០៨០ ម៉ែត្រត្រូវបានលិចទឹក។
-ឃុំអរបួនលើ ៖ ផ្លូវទូទាំងឃុំត្រូវបានលិចទឹក និងប៉ះពាល់ផ្ទះប្រជាពលរដ្ឋចំនួន ១៥៥ ខ្នង (ស្មើនឹង ១៨០ គ្រួសារ)។
-ឃុំរយ៉៖ ផ្លូវចំនួន២ ខ្សែប្រវែង ៨០០ម៉ែត្រ និងផ្ទះប្រជាពលរដ្ឋចំនួន១០០ ខ្នងរងផលប៉ះពាល់។
-ឃុំសុខសាន្ត ៖ ផ្លូវទូទាំងឃុំប្រវែង ៣,៥០០ ម៉ែត្រត្រូវបានលិចទឹក។ សាលាបឋមសិក្សាសុខសាន្តរងផលប៉ះពាល់ និងទំនប់ចំនួន ២ គឺទំនប់អូរវល់ត្រូវបានខូចខាតទាំងស្រុង ចំណែកឯទំនប់អូរណំវិញទឹកបានហូរច្រោះលើខ្នងទំនប់ប្រវែង ១,៤០០ ម៉ែត្រ។
-ឃុំស្រែហ៊ុយ ៖ ផ្លូវសរុបប្រវែង ៥,៥០០ ម៉ែត្រត្រូវបានលិចទឹក។
-ឃុំស្រែសង្គម៖ វត្តចំនួន ២ គឺវត្តគិរីរម្យ និងវត្តរតនមណ្ឌលរង្សី រងផលប៉ះពាល់ និងសាលាបឋមសិក្សាហ៊ុន សែនកោះញែកក៏ត្រូវជន់លិចផងដែរ។
លើសពីនេះ ផ្លូវមួយចំនួន និងផ្ទះប្រជាពលរដ្ឋចំនួន១៥ ខ្នងត្រូវបានជម្លៀសទៅកាន់ទីទួលសុវត្ថិភាព៕
ចែករំលែកព័តមាននេះ