ស្នងការនគរបាលខេត្តមណ្ឌលគិរី ចុះជួយប្រជាជនរងគ្រោះទឹកជំនន់នៅ៥ ភូមិ ក្នុងស្រុកកោះញែក
- មណ្ឌលគិរី
ខេត្តមណ្ឌលគិរី ៖ នៅថ្ងៃទី ២៣ ខែកញ្ញា ឆ្នាំ២០២៥ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី…
ខេត្តមណ្ឌលគិរី ៖ នៅថ្ងៃទី ២៣ ខែកញ្ញា ឆ្នាំ២០២៥ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានដឹកនាំកម្លាំងចុះពិនិត្យ និងជួយសង្គ្រោះប្រជាពលរដ្ឋដែលរងផលប៉ះពាល់ដោយទឹកជំនន់ទឹកភ្លៀងក្នុងស្រុកកោះញែក ។
យោងតាមលោកស្នងការ ស្រុកកោះញែកបានរងផលប៉ះពាល់ខ្លាំងជាងគេដោយសារឥទ្ធិពលព្យុះ និងទឹកភ្លៀង ។ ហេដ្ឋារចនាសម្ព័ន្ធផ្លូវថ្នល់ និងស្ពានមួយចំនួនត្រូវបានជន់លិច ដែលធ្វើឱ្យប៉ះពាល់ដល់ការធ្វើដំណើររបស់ប្រជាពលរដ្ឋ ។
ប្រតិបត្តិការជួយសង្គ្រោះបានធ្វើឡើងនៅក្នុងភូមិចំនួន ៥ រួមមាន៖
១. ភូមិអន្ត្រេះ
២.ភូមិអបួនលើ
៣. ភូមិឈួល
៤. ភូមិស្រែសង្គម
៥.ឃុំស្រែហ៊ុយ
លោកស្នងការបានជំរុញឱ្យកម្លាំងនគរបាលបន្តយកចិត្តទុកដាក់ខ្ពស់លើសុវត្ថិភាពរបស់ប្រជាពលរដ្ឋ ដោយត្រៀមលក្ខណៈជានិច្ច ដើម្បីជម្លៀសពួកគាត់ទៅកាន់ទីទួលសុវត្ថិភាព និងដោះស្រាយបញ្ហាប្រឈមនានាឱ្យបានទាន់ពេលវេលា ។
អាជ្ញាធរនិងសមត្ថកិច្ចគ្រប់លំដាប់ថ្នាក់បានត្រៀមខ្លួនរួចជាស្រេច ហើយកំពុងខិតខំប្រឹងប្រែងយ៉ាងពេញទំហឹងដើម្បីដោះស្រាយបញ្ហានេះ ។ កងកម្លាំងជួយសង្គ្រោះត្រូវបានបែងចែក និងកំពុងបន្តប្រតិបត្តិការទាំងយប់ទាំងថ្ងៃដើម្បីធានាថា ប្រជាពលរដ្ឋទាំងអស់ទទួលបានជំនួយទាន់ពេលវេលា និងត្រូវជម្លៀសទៅកាន់កន្លែងមានសុវត្ថិភាព៕
ចែករំលែកព័តមាននេះ