រាជធានីភ្នំពេញ ៖ រឿងរ៉ាវស្នេហាត្រីកោណ បានធ្វើឲ្យបុរសជាមេការឃ្លាំងសិប្បកម្មផលិតទឹកកកម្នាក់ស្លាប់ ចំណែកស្ត្រីជាប្រពន្ធក្លាយជាស្រីមេម៉ាយ ហើយកូនកំព្រាឪពុក ដោយឡែកស្ត្រីម្នាក់ទៀត ដែលជាស្រីស្នហ៍ ឬជាស្រីសហាយមានការខកចិត្តយ៉ាងខ្លាំង ព្រោះមិនបានស្នេហាសមប្រកបតាមបំណង។…
រាជធានីភ្នំពេញ ៖ រឿងរ៉ាវស្នេហាត្រីកោណ បានធ្វើឲ្យបុរសជាមេការឃ្លាំងសិប្បកម្មផលិតទឹកកកម្នាក់ស្លាប់ ចំណែកស្ត្រីជាប្រពន្ធក្លាយជាស្រីមេម៉ាយ ហើយកូនកំព្រាឪពុក ដោយឡែកស្ត្រីម្នាក់ទៀត ដែលជាស្រីស្នហ៍ ឬជាស្រីសហាយមានការខកចិត្តយ៉ាងខ្លាំង ព្រោះមិនបានស្នេហាសមប្រកបតាមបំណង។ បន្ទាប់ពីស្ត្រីជាប្រពន្ធ ឆែកទូរសព្ទឃើញប្ដីមានទំនាក់ទំនងស្នហាជាមួយស្រីផ្សេង ក៏មានការឈ្លោះគ្នាយ៉ាងខ្លាំង ស្រាប់តែបុរសជាប្ដីតូចចិត្ត ជិះម៉ូតូចេញបាត់ពីផ្ទះ រួចទៅធ្វើអត្តឃាតចង.កសម្លាប់ខ្លួននៅក្នុងសិប្បកម្មផលិតទឹកកក បណ្ដាលឲ្យស្លាប់បាត់បង់ជីវិត ។
ហេតុករណ៍នេះបានកើតឡើង កាលពីវេលាម៉ោង៣រសៀលថ្ងៃទី២០ ខែកញ្ញា ឆ្នាំ២០២៥ នៅក្នុងសិប្បកម្មផលិតទឹកកកគ្មានយីហោ ស្ថិតនៅតាមបណ្ដោយផ្លូវជាតិលេខ៤ ភូមិព្រៃស្វាយ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
បុរសខាងលើនោះឈ្មោះ ហោ ចន្ធូ ភេទ អាយុ៤៨ឆ្នាំ ជនជាតិខ្មែរ មុខរបរ មេការឃ្លាំងទឹកកក ស្នាក់នៅបន្ទប់ជួល ស្ថិតនៅភូមិកើតហេតុខាងលើ និងមានស្រុកកំណើតនៅឃុំរកាធំ ស្រុកកោះធំ ខេត្តកណ្ដាល បនយកខ្សែពានម៉ាស៊ីនចង.ក ជាប់ដែកជណ្ដើរ ក្នុងសិប្បកម្មទឹកកកនោះ ។
បើតាមយុវជនឈ្មោះ ហោ លីនដា អាយុ២០ឆ្នាំ ត្រូវជាកូនប្រុសបង្កើតរបស់អ្នកស្លាប់បានបំភ្លឺប្រាប់នគរបាលថា នៅវេលាព្រឹកថ្ងៃកើតហេតុ ដោយសារសិប្បកម្មទឹកកកឈប់សម្រាក ឪពុកខ្ញុំបានអង្គុយផឹកស្រាបៀរជាមួយតៃកុងរថយន្តម្នាក់ទៀត នៅក្នុងសិប្បកម្មផលិតទឹកកកនោះ។ រហូតដល់វេលាម៉ោងប្រហែល១៣និង០០នាទី ថ្ងៃដដែល ឪពុកខ្ញុំ បានទៅដល់ផ្ទះរួចក៏រៀបចំដេក លុះមួយសន្ទុះក្រោយមកម្តាយខ្ញុំក៏បានឆែកទូរសព្ទឃើញឪពុកខ្ញុំមានទំនាក់ទំនងស្នេហាជាមួយស្រីផ្សេង ។
យុវជនខាងលើបានរៀបរាប់បន្តទៀតថា ពេលនោះក៏ឪពុកម្ដាយខ្ញុំ ក៏បានឈ្លោះប្រកែកគ្នា ក្រោយមកឪពុកខ្ញុំ ក៏បានជិះម៉ូតូចេញទៅក្រៅបាត់។ លុះដល់វេលាម៉ោងប្រហែល១៥រសៀលថ្ងៃដដែល ស្រាប់តែមានអ្នកស្គាល់គ្នាទំនាក់ទំនងមកប្រាប់ម្តាយរបស់ខ្ញុំថា ឪពុកខ្ញុំបានខ្សែពានម៉ាស៊ីនចង.ក ជាប់ដែកជណ្តើរក្នុងសិប្បកម្មផលិតទឹកកកស្លាប់បាត់ទៅហើយ។ ទើបបង្កឲ្យមានការភ្ញាក់ផ្អើលឆោឡោ ហើយរាយការណ៏ទៅប៉ុស្តិ៍នគរបាលរដ្ឋបាលចោមចៅទី៣ ចុះត្រួតពិនិត្យកន្លែងកើតហេតុ ។
សមត្ថកិច្ចបានប្រាប់ថា ក្រោយពេលកើតហេតុ នគរបាលការិយាល័យបច្ចេកទេស និងវិទ្យាសាស្ត្រ នៃ្នងការដ្ឋាននគរបសលរាជធានីភ្នំពេញ និងគ្រូពេទ្យកោសល្យវិច័យរាជធានីភ្នំពេញ ចុះធ្វើកោសល្យវិច័យតាមការបញ្ជាក់ថា បុរសនោះពិតជាស្លាប់ដោយសារ ចង.ក ប្រាកដមែនរួចប្រគល់ស.ពឲ្យគ្រួសារយកទៅធ្វើបុណ្យតាមប្រពៃណី នៅវត្តជម្ពូវ័ន្ត ៕
ចែករំលែកព័តមាននេះ