ខេត្តព្រះសីហនុ ៖ គ្រោះថ្នាក់ចរាចរណ៍មួយ បណ្ដាលឲ្យមនុស្សម្នាក់បានស្លាប់ និង២នាក់ទៀតរងរបួស ក្រោយបើកម៉ូតូ បុកប៉ះគ្នាជាមួយរថយន្តឡិចស៊ីស RX300 ក្នុងទិសដៅបញ្ច្រាសគ្នា ។…
ខេត្តព្រះសីហនុ ៖ គ្រោះថ្នាក់ចរាចរណ៍មួយ បណ្ដាលឲ្យមនុស្សម្នាក់បានស្លាប់ និង២នាក់ទៀតរងរបួស ក្រោយបើកម៉ូតូ បុកប៉ះគ្នាជាមួយរថយន្តឡិចស៊ីស RX300 ក្នុងទិសដៅបញ្ច្រាសគ្នា ។
ហេតុការណ៍នេះបានកើតមានឡើងនៅថ្ងៃទី២០ កញ្ញា ២០២៥ វេលាម៉ោង១៦:៤៥នាទី លើដងផ្លូវជាតិលេខ៤ ចន្លោះបង្គោលគីឡូម៉ែត្រលេខ១៦៦-១៦៧ ស្ថិតក្នុងភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ ។
តាមសមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍ បានកើតឡើង បង្កដោយម៉ូតូ ០១គ្រឿងម៉ាក HONDA WAVE ពណ៌ខ្មៅ គ្មានពាក់ផ្លាកលេខ ដែលមានទិសដៅពីខេត្តព្រះសីហនុ ឆ្ពោះទៅរាជធានីភ្នំពេញ បើកបរដោយឈ្មោះក្រូច ភេទប្រុស និងអ្នករួមដំណើរចំនួន០២នាក់ ៖ ១.ឈ្មោះ អ៊ុង ដុល្លា ភេទប្រុស អាយុ៣៤ឆ្នាំ មុខរបរកម្មករ មានទីលំនៅភូមិស្រឡៃ ឃុំភ្នំត្បែ២ ស្រុកគូលែន ខេត្តព្រះវិហារ ។ និង២.ឈ្មោះ ប្រាក់ ចិត្ដ្រា ភេទប្រុស អាយុ៣៨ឆ្នាំ មុខរបរកម្មករ មានទីលំនៅភូមិខេត្តកំពុងធំ ។
សមត្ថកិច្ចបានឲ្យដឹងបន្តថា លុះមកដល់ចំណុចខាងលើ បានឡើងវ៉ាជែង រួចបានចូលទៅបុកជាមួយរថយន្ដ០១គ្រឿងម៉ាក LEXUS RX300 ពណ៌ខ្មៅ ពាក់ផ្លាកលេខ ភ្នំពេញ 2K-7420 ដែលមានទិសដៅផ្ទុយគ្នា និងអ្នកបើកបរមិនទាន់ស្គាល់អត្តសញ្ញាណ បានបុកចំពីមុខពេញទំហឹងតែម្ដង ។
ករណីនេះបណ្ដាលអោយអ្នកបើកបរម៉ូតូ ស្លាប់នៅនឹងកន្លែងកើតហេតុ និងអ្នករួមដំណើរលើម៉ូតូចំនួន០២នាក់ (រងរបួសធ្ងន់) ។
បច្ចុប្បន្ន ជនរងគ្រោះដែលរងរបួសធ្ងន់ ត្រូវបានបញ្ជូនទៅសង្ក្រោះបន្ទាន់នៅគ្លីនិកឯកជន នួន សុប្ផា២ ឃុំសំរុង រីឯវត្ថុតាង (រថយន្ដនិងម៉ូតូ) បានយកមករក្សាទុកបណ្ដោះអាសន្ន នៅអធិការដ្ឋាននគរបាលស្រុកព្រៃនប់ ។ ដោយឡែកអ្នកបើកបររថយន្ដម៉ាក LEXUS RX300 បានចុះពីរថយន្ដរត់គេចខ្លួនបាត់ មុនពេលសមត្ថកិច្ចទៅដល់កន្លែងកើតហេតុ ៕
ចែករំលែកព័តមាននេះ