សម្តេចធិបតី ហ៊ុន ម៉ាណែត និងលោកជំទាវ ជួបសំណេះសំណាលសួរសុខទុក្ខក្រុមគ្រួសាររបស់ទាហានខ្មែរ ១៨រូប ដែលថៃឃុំខ្លួន
រាជធានីភ្នំពេញ ៖ នៅវិមានសន្តិភាព នារសៀលថ្ងៃសុក្រ ទី១៩ កញ្ញា ២០២៥ សម្ដេចមហាបវរធិបតី ហ៊ុន ម៉ាណែត…
រាជធានីភ្នំពេញ ៖ នៅវិមានសន្តិភាព នារសៀលថ្ងៃសុក្រ ទី១៩ កញ្ញា ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា រួមជាមួយនឹងភរិយា គឺលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញជួបជាមួយក្រុមគ្រួសាររបស់វីរកងទ័ពកម្ពុជាទាំង ១៨រូប ដែលកំពុងស្ថិតនៅក្រោមការឃុំខ្លួនរបស់កងទ័ពថៃ ។
សម្តេចធិបតី ហ៊ុន ម៉ាណែត រួមជាមួយនឹងភរិយា ជួបសំណេះសំណាលជាមួយគ្រួសារសារយោធិន ១៨រូប នាពេលនេះ ដើម្បីសាកសួរសុខទុក្ខ និងបញ្ជាក់អំពីជំហររបស់រាជរដ្ឋាភិបាល ដែលបាននិងកំពុងធ្វើការយ៉ាងសកម្មលើគ្រប់យន្តការទាំងអស់ ដើម្បីស្វែងរកដំណោះស្រាយក្នុងការការពារអាយុជីវិត, សេចក្តីសុខសុវត្ថិភាព និងព្យាយាមឱ្យដោះលែងកងកម្លាំងរបស់យើងទាំង ១៨នាក់នោះ វិលត្រឡប់មកវិញឱ្យបានឆាប់រហ័ស ។ សម្តេចធិបតី បានបញ្ជាក់ថា «អាយុជីវិត សុខទុក្ខ និងសេរីភាពភាពរបស់បងប្អូន គឺស្ថិតក្នុងការគិតគូររបស់រាជរដ្ឋាភិបាលជានិច្ច»៕
ចែករំលែកព័តមាននេះ