ស៊ុតគឺជាអាហារដែលមានតម្លៃអាហារូបត្ថម្ភខ្ពស់ សម្បូរដោយប្រូតេអ៊ីន, ខ្លាញ់, វីតាមីន និងសារធាតុរ៉ែជាច្រើន។ វាក៏មានតម្លៃថោក, ងាយស្រួលរៀបចំ និងអាចធ្វើជាមុខម្ហូបបានច្រើនមុខ។ ប៉ុន្តែទោះបីជាស៊ុតល្អយ៉ាងណាក៏ដោយ ក៏ការផ្សំវាជាមួយអាហារខុសប្រភេទអាចបង្កគ្រោះថ្នាក់ដល់សុខភាពបាន។…
ស៊ុតគឺជាអាហារដែលមានតម្លៃអាហារូបត្ថម្ភខ្ពស់ សម្បូរដោយប្រូតេអ៊ីន, ខ្លាញ់, វីតាមីន និងសារធាតុរ៉ែជាច្រើន។ វាក៏មានតម្លៃថោក, ងាយស្រួលរៀបចំ និងអាចធ្វើជាមុខម្ហូបបានច្រើនមុខ។ ប៉ុន្តែទោះបីជាស៊ុតល្អយ៉ាងណាក៏ដោយ ក៏ការផ្សំវាជាមួយអាហារខុសប្រភេទអាចបង្កគ្រោះថ្នាក់ដល់សុខភាពបាន។
ខាងក្រោមនេះជាអាហារ ៥ យ៉ាងដែលអ្នកមិនគួរផ្សំជាមួយស៊ុតដាច់ខាត៖
១. ទឹកដោះគោសណ្តែក
មនុស្សជាច្រើនមានទម្លាប់ផឹកទឹកដោះគោសណ្តែកជាមួយស៊ុតជាអាហារពេលព្រឹក។ ប៉ុន្តែតាមពិតទៅ នេះជាការផ្សំខុស! ទឹកដោះគោសណ្តែកមានអង់ស៊ីម protidase ដែលរារាំងការស្រូបយកប្រូតេអ៊ីនពីស៊ុត។ ការផ្សំនេះអាចបណ្តាលឱ្យហើមពោះ និងពិបាករំលាយអាហារ។
២. ស្ករស
ការបន្ថែមស្ករសទៅក្នុងស៊ុត ដូចជាការធ្វើស៊ុតចៀនជាមួយស្ករ អាចបង្កើតជាសារធាតុដែលពិបាកស្រូបយកចូលក្នុងរាងកាយ។ ម្យ៉ាងវិញទៀត ការផ្សំគ្នានៃអាហារទាំងពីរនេះអាចដាក់បន្ទុកលើប្រព័ន្ធរំលាយអាហារ និងបង្កើនហានិភ័យនៃជំងឺទឹកនោមផ្អែម និងភាពធាត់។
៣. តែបៃតង
ការផឹកតែបៃតងភ្លាមៗក្រោយពេលញ៉ាំស៊ុត គឺជារឿងដែលអ្នកគួរចៀសវាង។ អាស៊ីត Tannic នៅក្នុងស្លឹកតែនឹងផ្សំជាមួយប្រូតេអ៊ីនក្នុងស៊ុត បង្កើតជាសមាសធាតុដែលធ្វើឱ្យចលនាពោះវៀនយឺត និងបណ្តាលឱ្យទល់លាមក។ គួរទុកគម្លាតពេលខ្លះមុនពេលផឹកតែបៃតង។
៤. ខ្ទឹមស
ការញ៉ាំស៊ុតជាមួយខ្ទឹមសអាចបណ្តាលឱ្យហើមពោះ និងមិនរំលាយអាហារបាន។ ក្នុងករណីអ្នកជំងឺដែលឃ្លាន ហើយញ៉ាំការផ្សំនេះ អាចនឹងមានអាការៈវិលមុខ និងក្អួតថែមទៀតផង។
៥.សាច់ពពែ
សាច់ពពែមានរសជាតិផ្អែម ហើយត្រជាក់។ នៅពេលផ្សំជាមួយប្រូតេអ៊ីនត្រជាក់ដែលមានក្នុងស៊ុត វានឹងបង្កើតលក្ខណៈត្រជាក់លើសកម្រិតដល់រាងកាយ ដែលមិនល្អសម្រាប់សុខភាព។
ការយល់ដឹងពីរបៀបបរិភោគស៊ុតឱ្យបានត្រឹមត្រូវ គឺជាគន្លឹះដើម្បីទទួលបានអត្ថប្រយោជន៍ពេញលេញពីអាហារដ៏មានតម្លៃនេះ។ តើអ្នកមានទម្លាប់ញ៉ាំស៊ុតបែបណាដែរ?
ចែករំលែកព័តមាននេះ