ខេត្តបន្ទាយមានជ័យ ៖ តាមសេចក្តីរាយការណ៍មួយឲ្យដឹងថា កាលពីព្រឹកថ្ងៃទី១៧ ខែកញ្ញា ឆ្នាំ២០២៥កន្លងទៅ ប្រជាពលរដ្ឋបានប្រទះឃើញបុរសម្នាក់ស្លាប់ក្នុងទឹកបឹងអកកំបោរតូចស្ថិតក្នុងភូមិផ្លូវលាវ ឃុំប្រាសាទ ស្រុកព្រះនេត្រព្រះ ដោយសពអណ្តែតក្បែរទូកតូចមួយ…
ខេត្តបន្ទាយមានជ័យ ៖ តាមសេចក្តីរាយការណ៍មួយឲ្យដឹងថា កាលពីព្រឹកថ្ងៃទី១៧ ខែកញ្ញា ឆ្នាំ២០២៥កន្លងទៅ ប្រជាពលរដ្ឋបានប្រទះឃើញបុរសម្នាក់ស្លាប់ក្នុងទឹកបឹងអកកំបោរតូចស្ថិតក្នុងភូមិផ្លូវលាវ ឃុំប្រាសាទ ស្រុកព្រះនេត្រព្រះ ដោយសពអណ្តែតក្បែរទូកតូចមួយ និងមានឧបករណ៍ឆក់ត្រីផងដែរ ។
ក្រោយពេលមានប្រជាពលរដ្ឋប្រទះឃើញសពអណ្ដែតក្នុងទឹកបឹងនេះ នៅរសៀលថ្ងៃដដែល នគរបាលប៉ុស្តិ៍បានទៅកាន់កន្លែងកើតហេតុពិនិត្យនិងស្គាល់ថា ជនរងគ្រោះឈ្មោះ សុខ សិដ្ឋ អាយុ៣៨ឆ្នាំ រស់នៅក្នុងភូមិ ឃុំខាងលើ ។
យុវជនម្នាក់ រស់នៅក្នុងភូមិជាមួយជនរងគ្រោះ បានឲ្យដឹងថា កាលពីថ្ងៃទី១៧ ខែកញ្ញា ឆ្នាំ២០២៥កន្លងទៅ វេលាម៉ោងប្រហែល៦កន្លះព្រឹក ខ្លួននិងម្តាយបានជិះទូកស្មាច់មួយគ្រឿងទៅរើសខ្យងនៅវាលស្រែខាងលិចភូមិថ្មី ។ លុះពេលទៅដល់បឹងអកកំបោរតូច ខាងកើតទំនប់ទឹក ក៏បានឈប់ទូកស្មាច់និងនាំគ្នាចុះរើសខ្យង ។ រហូតដល់វេលាម៉ោងប្រមាណ៨និង១០នាទីព្រឹកថ្ងៃដដែល ខណៈខ្លួនកំពុងដើររើសខ្យងស្រាប់តែប្រទះឃើញសពបុរសម្នាក់់ក្នុងសភាពដេកផ្ងារពោះ ដៃមានកាន់ដងឈើសម្រាប់ឆក់ត្រី ក្បាលមានពាក់ពិល ស្លៀកខោខ្លី ពាក់អាវប៉ារ៉ាដៃវែង ឈ្មោះ សុខ សិដ្ឋ ។ នៅពេលឃើញ
ដូច្នោះ ខ្លួនបានស្រែកហៅអ្នករើសខ្យងដូចគ្នាឲ្យមកជួយមើល និងរាយការណ៍ទៅមេភូមិថ្មីតែម្តងទៅ ។ ចំណែកស្ត្រីឈ្មោះ រ៉ត សាគុណ អាយុ៣៨ឆ្នាំ ត្រូវជាប្រពន្ធរបស់សពបានបំភ្លឺថា ប្តីរបស់គាត់ឈ្មោះ សុខ សិដ្ឋ ជាមនុស្សមានចំណូលចិត្តផឹកស្រាំ គឺផឹកជាប្រចាំ និងស្រវឹងរាល់ថ្ងៃ ។ នៅរសៀលថ្ងៃទី១៦ ខែកញ្ញា ឆ្នាំ២០២៥ ប្តីគាត់បានផឹកស្រាអស់២លីត្រកន្លះ មានគ្នា៤នាក់ និងផឹករហូតដល់ម៉ោង៤និង៣០នាទីរសៀលទើបឈប់ហើយចូលសម្រាកជាធម្មតា ។ លុះនារសៀលថ្ងៃទី១៧ ខែកញ្ញា ២០២៥ ប្តីគាត់បានក្រោកពីដំណេកទៅរើសខ្យង នៅបឹងអកកំបោរតូច ដែលមានចម្ងាយប្រហែល៣គីឡូម៉ែត្រពីភូមិ ។
ពេលប្តីគាត់ទៅបានមួយសន្ទុះ ស្រាប់តែឃើញត្រឡប់មកវិញ ពេលនោះគាត់បានសួរថា «ម៉េចក៏មកវិញ» ប្តីតបភ្លាម «មកយកម៉ូទ័រឆក់ត្រី ព្រោះឃើញត្រីងើបច្រើន» រួចប្តីគាត់ក៏ជិះទូកស្មាច់ត្រឡប់ទៅបឹងវិញ ។ លុះដល់វេលាម៉ោងប្រមាណ៩និង១០នាទីព្រឹកថ្ងៃដដែល ស្រាប់តែមានអ៊ំម្នាក់ទូរស័ព្ទមកប្រាប់ថា ឃើញប្តីគាត់ស្លាប់នៅក្នុងបឹង ដោយឱបឧបករណ៍ឆក់ត្រី ។
ពេលទទួលបានព័ត៌មាននោះ គាត់ក៏រត់ទៅរកបងប្អូន ដើម្បីឲ្យជួយទៅយកសពប្តីគាត់ ។ពេលទៅដល់កន្លែងកើតហេតុ ស្រាប់តែឃើញប្តីគាត់ស្លាប់ពិតប្រាកដមែន គឺស្លាប់ដោយសារឧបករណ៍ឆក់ត្រី ។ដោយមានបទបញ្ជាពីលោកឧត្តមសេនីយ៍
ទោស្នងការនគរបាលខេត្ត កម្លាំងសមត្ថកិច្ចបានបង្កើតគណៈកម្មការមួយទៅពិនិត្យ និងធ្វើកោសល្យវិច័យសព ក្រោមការសម្របសម្រួលពីស្ថាបន័អយ្យការអមសាលាដំបូងខេត្ត រួចប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ