អាណិតណាស់! លោកតាវ័យ៧៧ឆ្នាំ ជិះកង់ដើរលក់កន្ទេលគ្មានអ្នកទិញ ថែមទាំងបែ.កកង់ទៀត
- កំពត
ខេត្តកំពត ៖ បុរសចំណាស់ម្នាក់អាយុ៧៧ឆ្នាំ ឈ្មោះ ប្រាក់ ឌន នៅភូមិកោះត្រាច ឃុំស្វាយទងខាងត្បូង ស្រុកកំពង់ត្រាច នៅតែតស៊ូដើរលក់កន្ទេល…
ខេត្តកំពត ៖ បុរសចំណាស់ម្នាក់អាយុ៧៧ឆ្នាំ ឈ្មោះ ប្រាក់ ឌន នៅភូមិកោះត្រាច ឃុំស្វាយទងខាងត្បូង ស្រុកកំពង់ត្រាច នៅតែតស៊ូដើរលក់កន្ទេល ទោះលក់មិនសូវដាច់ក្ដីក៏គ្មានជម្រើសដែរ ។
កាលពីព្រឹកថ្ងៃ១៤ ខែកញ្ញា ឆ្នាំ២០២៥ កន្លងទៅ ភ្នាក់ងារយើងបានជួបបុរសចំណាស់រូបនេះ ដែលពិតជាគួរឱ្យអាណិតខ្លោចចិត្ត ។គាត់មានវ័យចាស់ទៅហើយ សុខភាពមិនទៀងនោះទេ តែបានប្រឹងធាក់កង់ដឹកកន្ទេលចេញពីផ្ទះតាំងពីព្រឹកព្រលឹម លុះមកដល់ស្រុកដងទង់ក៏បែកកង់ទៀត ដែលតម្រូវឱ្យគាត់បណ្ដើរនៅតាមផ្លូវក្រួសក្រហមមួយខ្សែ ដើម្បីរកកន្លែងប៉ះ។
បុរសចំណាស់រូបនេះនិយាយថា គាត់ដឹកកន្ទេលដើរលក់នេះមិនទាន់មានអ្នកទិញទេ ហើយ
ស៊យបែកកង់ទៀត ។ ការលក់មិនដាច់នេះ ត្រូវបានគាត់លើកជាសំណួរថា ប្រហែលជាគេ
បោះបង់ចោលហើយ កន្ទេលស្នាដៃខ្មែរដែលធ្វើដោយដៃ ។
បុរសចំណាស់រូបនេះ បាននិយាយទៀតថា គាត់បានហៅគេឲ្យជួយទិញជាហូរហែដែរ តែអ្នកភូមិឆ្លើយតបវិញថា ពួកគាត់លែងទិញកន្ទេលចចូតហើយ ព្រោះគេដេកសុទ្ធតែពូកអស់ទៅហើយ ។
លោកតាអាយុ៧៧ឆ្នាំរូបនេះនិយាយបន្តថា គាត់មានរបរលក់កន្ទេលខ្មែរនេះអស់រយៈពេលជាង១៩ឆ្នាំហើយ ដោយដើរលក់តាមខេត្ត ស្រុកនានា ពេលយប់ដេកនៅតាមវត្ត ឬតាមសាលាឆទាន ៕
ចែករំលែកព័តមាននេះ