រាជធានីភ្នំពេញ ៖ ខុសពីឆ្នាំមុនៗ ដែលមានការប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប)មានរយៈពេល២ថ្ងៃ ដោយថ្ងៃទី១ សម្រាប់តែរាជធានីភ្នំពេញ និងខេត្ដកណ្ដាល និងថ្ងៃទី២ សម្រាប់បណ្ដាខេត្ដនានា ប៉ុន្ដែនៅក្នុងឆ្នាំ២០២៥នេះ…
រាជធានីភ្នំពេញ ៖ ខុសពីឆ្នាំមុនៗ ដែលមានការប្រកាសលទ្ធផលប្រឡងសញ្ញាបត្រមធ្យម
សិក្សាទុតិយភូមិ(បាក់ឌុប)មានរយៈពេល២ថ្ងៃ ដោយថ្ងៃទី១ សម្រាប់តែរាជធានីភ្នំពេញ និងខេត្ដកណ្ដាល និងថ្ងៃទី២ សម្រាប់បណ្ដាខេត្ដនានា ប៉ុន្ដែនៅក្នុងឆ្នាំ២០២៥នេះ ក្រសួងអប់រំយុវជន និងកីឡា នឹងប្រកាសលទ្ធផលទូទាំងប្រទេស តែមួយថ្ងៃប៉ុណ្ណោះ គឺថ្ងៃទី២០ ខែកញ្ញា ឆ្នាំ២០២៥ ។ នេះតាមសេចក្តីប្រកាសព័ត៌មានរបស់ក្រសួងអប់រំ យុវជន និងកីឡា ដែលបានប្រកាសនាពេលកន្លងមក ។
សូមជម្រាបថា ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ២៨ សីហា ២០២៥ បានប្រព្រឹត្តទៅរយៈពេល២ថ្ងៃ គឺថ្ងៃទី២៨ និងថ្ងៃទី២៩ ខែសីហា ឆ្នាំ២០២៥ ដែលមានបេក្ខជនចុះឈ្មោះប្រឡងសរុប ១៤៦ ៧២០នាក់(ស្រី ៨១ ៤៤២នាក់) ក្នុងនោះបេក្ខជនថ្នាក់វិទ្យាសាស្ត្រ ៤០ ៦៧៨នាក់(ស្រី ២៤ ៥១៩នាក់) បេក្ខជនថ្នាក់វិទ្យាសាស្ត្រសង្គម ១០៦ ០៤២នាក់ (ស្រី ៥៦ ៩២៣នាក់) ។
ក្រសួងអប់រំ យុវជន និងកីឡា បញ្ជាក់ថា ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ២៨ សីហា ២០២៥ បានប្រព្រឹត្តទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របតាមគោលការណ៍ «អ្នកចេះគឺជាប់» ៕
ចែករំលែកព័តមាននេះ