រាជធានីភ្នំពេញ ៖ ប្រទេសជប៉ុនសូមស្វាគមន៍ដែលកម្ពុជា និងថៃ បានរៀបចំកិច្ចប្រជុំគណៈកម្មការព្រំដែនទូទៅ (GBC) នៅថ្ងៃទី១០ ខែកញ្ញា ជាមួយនឹងវឌ្ឍនភាពក្នុងការពិភាក្សាជុំវិញការបង្កើតក្រុមអ្នកសង្កេតកាណ៍អាស៊ាន និងការដោះមីន…
រាជធានីភ្នំពេញ ៖ ប្រទេសជប៉ុនសូមស្វាគមន៍ដែលកម្ពុជា និងថៃ បានរៀបចំកិច្ចប្រជុំគណៈកម្មការព្រំដែនទូទៅ (GBC) នៅថ្ងៃទី១០ ខែកញ្ញា ជាមួយនឹងវឌ្ឍនភាពក្នុងការពិភាក្សាជុំវិញការបង្កើតក្រុមអ្នកសង្កេតកាណ៍អាស៊ាន និងការដោះមីន ។ នេះបើតាមលោក KITAMURA Toshihiro អ្នកនាំពាក្យក្រសួងការបរទេសជប៉ុន ។
តាមរយៈសេចក្តីថ្លែងការណ៍របស់លោក KITAMURA Toshihiro បានលើកឡើងនៅថ្ងៃទី១២ ខែកញ្ញា ឆ្នាំ២០២៥ដោយបានបញ្ជាក់ដូចនេះថា «ប្រទេសជប៉ុនសូមស្វាគមន៍ដែលកម្ពុជា និងថៃ បានរៀបចំកិច្ចប្រជុំគណៈកម្មការព្រំដែនទូទៅនៅថ្ងៃទី១០ ខែកញ្ញា ជាមួយវឌ្ឍនភាពក្នុងការពិភាក្សាជុំវិញការបង្កើតក្រុមអ្នកសង្កេតកាណ៍អាស៊ាន ការដោះមីន និងការចាប់ផ្តើមដឹកជញ្ជូនឆ្លងព្រំដែនឡើងវិញ ដែលនេះជាលទ្ធផលសំខាន់ក្នុងការជំរុញការអនុវត្តកិច្ចព្រមព្រៀងបញ្ឈប់បាញ់រវាងប្រទេសទាំងពីរ»។
លោក KITAMURA Toshihiro បានបញ្ជាក់ទៀតថា រដ្ឋាភិបាលជប៉ុន សូមបង្ហាញការគោរពរបស់ខ្លួនចំពោះកិច្ចខិតខំប្រឹងប្រែងរបស់ភាគីទាំងអស់ដែលពាក់ព័ន្ធក្នុងការរៀបចំកិច្ចប្រជុំនេះ រួមទាំងប្រទេសម៉ាឡេស៊ី ដែលបានខ្នះខ្នែងជំរុញវឌ្ឍនភាពលើកិច្ចព្រមព្រៀងបទឈប់បាញ់ក្នុងតួនាទីជាប្រធានអាស៊ាន។
រដ្ឋាភិបាលជប៉ុនសង្ឃឹមថា ប្រទេសទាំងពីរនឹងបន្តគោរពតាមកិច្ចព្រមព្រៀងបទឈប់បាញ់ ហើយការតានតឹងរវាងកម្ពុជា និងថៃនឹងត្រូវបានបន្ថយតាមរយៈការពិភាក្សា ហើយកិច្ចសហប្រតិបត្តិការ រវាងប្រទេសទាំងពីរមានសារៈសំខាន់ខ្លាំងចំពោះសន្តិភាព និងស្ថិរភាពក្នុងតំបន់។ ក្នុងបរិបទនេះ ប្រទេសជប៉ុននឹងបន្តគាំទ្រការខិតខំប្រឹងប្រែងដើម្បីអនុវត្តកិច្ចព្រមព្រៀងបទឈប់បាញ់ និងការកាត់បន្ថយភាពតានតឹង ជាមួយនឹងការសម្របសម្រួលជាមួយប្រទេសពាក់ព័ន្ធ។
យោងតាមសេចក្តីប្រកាសព័ត៌មានរបស់ក្រសួងការបទេសកម្ពុជាបានស្រង់សំដីរបស់អ្នកនាំពាក្យក្រសួងការបរទេសជប៉ុន លោក Kitamura Toshihiro ថារាជរដ្ឋាភិបាលជប៉ុនសូមចូលរួមអបអរសាទរដែលកម្ពុជា និងថៃបានបើកកិច្ចប្រជុំ គណៈកម្មាធិការព្រំដែនទូទៅកម្ពុជា-ថៃ នៅថ្ងៃទី១០ ខែកញ្ញា ជាមួយនឹងវឌ្ឍនភាព នៃកិច្ចពិភាក្សាទាក់ទងនឹងការបង្កើតក្រុមអ្នកសង្កេតការណ៍អាស៊ាន ការដោះមីន និង [ការចាប់ផ្តើម]ឡើងវិញនូវការដឹកជញ្ជូនឆ្លងកាត់តាមច្រកព្រំដែន ដែលនេះបង្ហាញពី លទ្ធផលដ៏សំខាន់ ដើម្បីជំរុញការអនុវត្តនូវកិច្ចព្រមព្រៀងបទឈប់បាញ់រវាងប្រទេស ទាំងពីរ។
រដ្ឋាភិបាលជប៉ុនក៏សូមសម្តែងការវាយតំលៃខ្ពស់ចំពោះកិច្ចខិតខំប្រឹងប្រែងការទូត របស់គ្រប់ភាគីពាក់ព័ន្ធក្នុងការរៀបចំកិច្ចប្រជុំគណៈកម្មាធិការព្រំដែនទូទៅនេះ រួម ទាំងប្រទេសម៉ាឡេស៊ី ដែលបានសម្របសម្រួលយ៉ាងសកម្មក្នុងការជំរុញការអនុវត្ត នូវកិច្ចព្រមព្រៀងបទឈប់បាញ់ ក្នុងនាមជាប្រធានអាស៊ាន។
រាជរដ្ឋាភិបាលជប៉ុនសង្ឃឹមថា កម្ពុជា និងថៃ នឹងបន្តគោរពតាមកិច្ចព្រមព្រៀងបទ ឈប់បាញ់ ហើយភាពតានតឹងរវាងប្រទេសទាំងពីរ នឹងត្រូវបានបន្ធូរបន្ថយដោយ សន្តិវិធី តាមរយៈការសន្ទនា ដោយជប៉ុនបានចាត់ទុកថា កិច្ចសហប្រតិបត្តិការល្អ រវាងប្រទេសទាំងពីរ ពិតជាមានសារៈសំខាន់ខ្លាំងណាស់សម្រាប់សន្តិភាព និងការ អភិវឌ្ឍន៍ក្នុងតំបន់។ ជប៉ុន នឹងបន្តខិតខំប្រឹងប្រែង ដើម្បីជំរុញការអនុវត្តយ៉ាងប្រាកដ ប្រជានូវកិច្ចព្រមព្រៀងបទឈប់បាញ់ និងបន្ថយភាពតានតឹងដោយសម្របសម្រួល ជាមួយប្រទេសពាក់ព័ន្ធ។”
ដោយឡែក ក្រសួងការបរទេសនិងសហប្រតិបត្តិការកម្ពុជា ក៏សូមសំដែងនូវការអរគុណ ដល់ រដ្ឋាភិបាលនិងប្រជាជនចិន ដែលបានគាំទ្រយ៉ាងសកម្មដល់សន្តិភាព នៅតាមបណ្តោយ ព្រំដែនកម្ពុជានិងថៃ។ សូមកត់សំគាល់ថា ឯកឧត្តម Wang Wenbin ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំកម្ពុជា បានសរសេរសារអបអរ សាទរនៅលើទំព័រហ្វេសប៊ុកផ្លូវការរបស់ឯកឧត្តម នៅថ្ងៃទី១១ ខែកញ្ញា ឆ្នាំ២០២៥ ដែលមានខ្លឹមសារថា៖
“សូមអបអរសាទរចំពោះលទ្ធផលវិជ្ជមាននៃកិច្ចប្រជុំពិសេសគណៈកម្មាធិការព្រំដែនទូទៅ (GBC) កម្ពុជា-ថៃ ដែលរៀបចំឡើងកាលពីថ្ងៃទី១០ ខែកញ្ញា។ ប្រទេសចិន បាននិងកំពុង បន្តខិតខំប្រឹងប្រែងសម្រាប់ការអនុវត្តបទឈប់បាញ់ ឱ្យបានគ្រប់ជ្រុងជ្រោយនិងប្រកបដោយ ប្រសិទ្ធភាព និងស្តារទំនាក់ទំនងកម្ពុជា-ថៃឱ្យប្រក្រតីឡើងវិញកាន់តែឆាប់រហ័ស” ៕
ចែករំលែកព័តមាននេះ