ខេត្តបន្ទាយមានជ័យ ៖ ពលករខ្មែរ២៨នាក់បម្រុងឆ្លងដែនត្រូវបានកម្លាំងចម្រុះការពារព្រំដែលឃាត់ខ្លួនធ្វើការអប់រំនៅថ្ងៃទី១១ ខែកញ្ញា ឆ្នាំ២០២៥ចំនុចភូមិក្បាលទំនប់ ឃុំអូរសំព័រ ស្រុកម៉ាឡៃ។ លោកវរៈសេនីយ៍ឯក សួង សៅ…
ខេត្តបន្ទាយមានជ័យ ៖ ពលករខ្មែរ២៨នាក់បម្រុងឆ្លងដែនត្រូវបានកម្លាំងចម្រុះការពារព្រំដែលឃាត់ខ្លួនធ្វើការអប់រំនៅថ្ងៃទី១១ ខែកញ្ញា ឆ្នាំ២០២៥ចំនុចភូមិក្បាលទំនប់ ឃុំអូរសំព័រ ស្រុកម៉ាឡៃ។
លោកវរៈសេនីយ៍ឯក សួង សៅ មេបញ្ជាការនគរបាលវរៈការពារព្រំដែនលេខ៨១៥ប្រាប់ថា៖នៅពេលកម្លាំងនគរបាលវរៈការពារព្រំដែនគោកលេខ៨១៥ សហការជាមួយកម្លាំងយោធាតំបន់ប្រតិបត្តិការសឹករងស្រុកម៉ាឡៃ បានចេញល្បាតប្រទៈឃើញពលករខ្មែរចំនួន២៨នាក់ស្រី១៥ នាក់ដែលបម្រុងលួចឆ្លងដែនចូលក្នុងទឹកដីថៃដោយខុសច្បាប់។
លោកបានបញ្ជាក់ថា៖ក្រោយឃាត់ខ្លួនពលករខ្មែរចំនួន២៨នាក់បាននាំយកសាកសួរនៅបញ្ជាការដ្ឋាននគរបាលវរៈការពារព្រដែនគោកលេខ៨១៥ ដើម្បីសាកសួរតាមចម្លើយសារភាពពួកគាត់មកតាមរយៈមេខ្យល់ម្នាក់តំលៃ៥.០០០ បាត់ទទួលជូនដល់កន្លែងធ្វើការទើបអោយលុយគ្រប់តែពេលនេះមិនទាន់ដល់ផងត្រូវបានកម្លាំងឃាត់ខ្លួន។
លោកវរៈសេនីយ៍ឯក សួង សៅ បានបញ្ជាក់ថា៖ជាការណែនាំពលករខ្មែរហើយបានធ្វើការអប់រំណែនាំហើយបានយករថយន្តសាលាខេត្តបន្ទាយមានជ័យដឹកជញ្ជូនដល់លំនៅដ្ឋាន ហើយកម្លាំងជំនាញកំពុងស្រាវជ្រាវរកចាប់ខ្លួនមេខ្យល់ដើម្បីអនុវត្តន៍តាមច្បាប់អោយបាន ៕
ចែករំលែកព័តមាននេះ