ខេត្តព្រះសីហនុ ៖ ដោយអនុវត្តតាមអនុសាសន៍ដ៏ខ្ពង់ខ្ពស់របស់នាយឧត្តមសេនីយ៍អគ្គស្នងការនគរបាលជាតិ និងការចង្អុលបង្ហាញដោយផ្ទាល់របស់ឧត្តមសេនីយ៍ឯក អគ្គស្នងការរង និងជាស្នងការនគរបាលខេត្ត បានចាត់ឲ្យលោកឧត្តមសេនីយ៍ត្រី ណុប បញ្ញា ស្នងការរង…
ខេត្តព្រះសីហនុ ៖ ដោយអនុវត្តតាមអនុសាសន៍ដ៏ខ្ពង់ខ្ពស់របស់នាយឧត្តមសេនីយ៍អគ្គស្នងការនគរបាលជាតិ និងការចង្អុលបង្ហាញដោយផ្ទាល់របស់ឧត្តមសេនីយ៍ឯក អគ្គស្នងការរង និងជាស្នងការនគរបាលខេត្ត បានចាត់ឲ្យលោកឧត្តមសេនីយ៍ត្រី ណុប បញ្ញា ស្នងការរង ផែនការងារព្រហ្មទណ្ឌ ដឹកនាំកម្លាំង នៃអធិការដ្ឋាននគរបាលក្រុងព្រះសីហនុ នៅថ្ងៃទី៨ ខែកញ្ញា ឆ្នាំ២០២៥ ម៉ោង ១៦:៣០នាទី កម្លាំងនគរបាលក្រុងព្រះសីហនុ បានបង្ក្រាបកន្លែងលេងល្បែងស៊ីសង (បៀរ និងចាក់ឡូតូ) នៅក្រុមទី២៤ ទំនប់រលក ភូមិ៣ សង្កាត់លេខ១ ក្រុងព្រះសីហនុ ដោយបានឃាត់ខ្លួនជនសង្ស័យបានចំនួន ៥នាក់ ។
បើតាមស្នងការដ្ឋាននគរបាលខេត្តព្រះសីហនុ បានឲ្យដឹងថា វត្ថុតាងចាប់យកបានរួមមាន កុំព្យូទ័រចាក់ហ្គេមឡូតូ ១គ្រឿង សន្លឹកបៀរ ១ហ៊ូ កន្សែងពោះគោ ១ (សម្រាប់លេងបៀរ) ទូរសព្ទ ៤គ្រឿង (VIVO ២, ផ្ទៃមេឃ ១, ពណ៌ខ្មៅ ១) ។
បច្ចុប្បន្នកម្លាំងសមត្ថកិច្ចជំនាញ បានកសាងសំនុំរឿង និងបញ្ជូនជនសង្ស័យទាំង ៥នាក់ និងវត្ថុតាង ទៅសាលាដំបូងខេត្តព្រះសីហនុ ដើម្បីចាត់ការតាមច្បាប់ ៕
ចែករំលែកព័តមាននេះ