ខេត្តឧត្តរមានជ័យ ៖ កងទ័ពជើងគោកនៃកងយោធពលខេមរភូមិន្ទ បានប្រកាសនារសៀលថ្ងៃទី១១ ខែកញ្ញា ឆ្នាំ២០២៥ នេះថា ៖ ពិធីបំពាក់ឋានន្តរសក្តិជូនមេបញ្ជាការរង នាយសេនាធិការ…
ខេត្តឧត្តរមានជ័យ ៖ កងទ័ពជើងគោកនៃកងយោធពលខេមរភូមិន្ទ បានប្រកាសនារសៀលថ្ងៃទី១១ ខែកញ្ញា ឆ្នាំ២០២៥ នេះថា ៖ ពិធីបំពាក់ឋានន្តរសក្តិជូនមេបញ្ជាការរង នាយសេនាធិការ កងពលតូចអន្តរាគមន៍លេខ៦ ។
នៅថ្ងៃទី១១ ខែកញ្ញា ឆ្នាំ២០២៥ ឯកឧត្តម ឧត្តមសេនីយ៍ឯក កែវ ធី មេបញ្ជាការរង កងទ័ពជើងគោក មេបញ្ជាការ កងពលធំអន្តរាគមន៍លេខ២ អញ្ជើញជាអធិបតី ក្នុងពិធីបំពាក់ឋានន្តរសក្តិ ថ្នាក់វរសេនីយ៍ឯក ជូនដល់លោកវរសេនីយ៍ទោ ឌឹម រីន មេបញ្ជាការរង នាយសេនាធិការ កងពលតូអន្តរាគមន៍លេខ៦ កងពលធំអន្តរាគមន៍លេខ២ ។
ឯកឧត្តម ឧត្តមសេនីយ៍ឯក កែវ ធី មេបញ្ជាការរង កងទ័ពជើងគោក មេបញ្ជាការ កងពលធំអន្តរាគមន៍លេខ២ បានថ្លែងការកោតសរសើរ ដល់ការខិតខំរបស់នាយទាហាន នាយទាហានរង និងពលទាហានទូទាំងកងពលតូចអន្តរាគមន៍លេខ៦ ទាំងអស់ដែលកន្លងមកសម្រេចភារកិច្ចបានយ៉ាងល្អប្រសើ និងបានកសាងស្នាដៃជាច្រើនជូនដល់អង្គភាព ជាពិសេសការខិតខំការពារអធិបតេយ្យភាព បូរណភាពទឹកដី និងប្រជាជនពីការឈ្លានពានរបស់សត្រូវ ។
ឯកឧត្តម បានមានប្រសាសន៍ផ្តាំផ្ញើរដល់នាយទាហាន ដែលទើបតែទទួលបានមុខងារតួនាទី និងភារកិច្ចថ្មីនាពេលនេះ ត្រូវខិតខំប្រឹងប្រែងយកចិត្តទុកដាក់ពង្រឹងសមត្ថភាព បង្កើនចំណេះដឹងបន្ថែម អនុវត្តការងារឲ្យបានម៉ឺងម៉ាត់ ហ្មត់ចត់ ដើម្បីធ្វើឲ្យអង្គភាពមានការអភិវឌ្ឍរីកចម្រើន បន្តដឹកនាំសហការសាមគ្គីផ្ទៃក្នុងប្រកបដោយប្រសិទ្ធភាពខ្ពស់ និងសម្រេចបាននូវសា្នដៃល្អៗជូនអង្គភាព ។ ត្រូវស្មោះត្រង់ចំពោះជាតិ សាសនា ព្រះមហាក្សត្រ និងស្មោះត្រង់ការពាររាជរដ្ឋាភិបាលស្របច្បាប់ ដែលប្រសូត្រចេញពីការបោះឆ្នោតដ៏ត្រឹមត្រូវយុត្តិធម៌ ដែលមានសម្តេចមហាបវរធិបតី ហ៊ុន ម៉ាណែត ជាប្រមុខដឹកនាំដ៏ឈ្លាសវៃ ៕
ចែករំលែកព័តមាននេះ