រាជធានីភ្នំពេញ ៖ លោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ បានចុះត្រួតពិនិត្យមើលការរុះរើសំយាបផ្ទះដោយស្ម័គ្រចិត្ត និងកាប់ឆ្ការព្រៃ រកមើលមាត់លូ និងពិនិត្យស្ថានភាពប្រឡាយមេ…
រាជធានីភ្នំពេញ ៖ លោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ បានចុះត្រួតពិនិត្យមើលការរុះរើសំយាបផ្ទះដោយស្ម័គ្រចិត្ត និងកាប់ឆ្ការព្រៃ រកមើលមាត់លូ និងពិនិត្យស្ថានភាពប្រឡាយមេ នៅភូមិចាក់ជ្រូក សង្កាត់សំរោងក្រោម ។
ជាក់ស្តែង រដ្ឋបាលខណ្ឌពោធិ៍សែនជ័យ បានប្រកាសព្រឹកថ្ងៃទី១១ ខែកញ្ញា ឆ្នាំ២០២៥ ថា ៖ ដោយមានការយកចិត្តទុកដាក់ពីលោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ នៅវេលាម៉ោង៨:០០នាទីព្រឹក ថ្ងៃទី១១ ខែកញ្ញា ឆ្នាំ២០២៥ លោកប៉ាង លីដា អភិបាលរងខណ្ឌ បានដឹកនាំក្រុមការងាររដ្ឋបាលខណ្ឌ
១.ចុះពិនិត្យមើលការរុះរើសំយាបផ្ទះដោយស្ម័គ្រចិត្ត នៅតាមបណ្ដោយផ្លូវបេតុងក្នុងភូមិចាក់ជ្រូក ។
២.កាប់ឆ្ការព្រៃរកមើលមាត់លូនឹងពិនិត្យស្ថានភាពប្រឡាយមេ នៅភូមិចាក់ជ្រូក សង្កាត់សំរោងក្រោម ។
ទន្ទឹមនោះដែរ កាលពីថ្ងៃទី១០ ខែកញ្ញា ឆ្នាំ២០២៥ លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ បានចុះត្រួតពិនិត្យប្រព័ន្ធលូ ប្រឡាយមេ ០១ខ្សែ ស្ថិតនៅភូមិស្រែជំរៅ សង្កាត់ចោមចៅទី២ ដើម្បីរំដោះទឹកចេញពីភូមិ ដែលមានទឹកដក់នៅលើផ្លូវបង្ករការលំបាកដល់ការធ្វើដំណើរទៅមករបស់ប្រជាពលរដ្ឋ ៕
ចែករំលែកព័តមាននេះ