តើការជឿលើកម្មផលជាអ្វី? មនុស្សតែងយល់ខុសចំពោះពាក្យថា «កម្ម »
មនុស្សភាគច្រើនតែយល់ថា ខុសចំពោះពាក្យថា កម្ម ឬកម្មៈ ។ ជាការពិតសម្តេច ពិន សែម បានសម្តែងធម៌ទេសនា ការជឿលើផលកម្ម…
មនុស្សភាគច្រើនតែយល់ថា ខុសចំពោះពាក្យថា កម្ម ឬកម្មៈ ។ ជាការពិតសម្តេច ពិន សែម បានសម្តែងធម៌ទេសនា ការជឿលើផលកម្ម ដោយមានពាក្យផល និងពាក្យថា កម្ម ឬកម្មៈ ។
ពាក្យថា កម្ម ឬកម្មៈ ដែលមកពីភាសាបាលីនោះបានលម្អិតថា ជាអំពើ ឬសកម្មភាព ការងារអ្វីដែលមនុស្សយើងធ្វើ ។ ចំពោះពាក្យថា កម្ម ឬកម្មៈនេះទៀតសោត សម្តេចពិន សែម សម្តែងធម៌ទេសថា មនុស្សតែយល់ខុសចំពោះពាក្យនេះ ដោយគិតថា កម្មជាអ្វីដែលអាក្រក់ ។
ក្នុងនោះមិនដូច្នេះឡើយ ពាក្យថាកម្ម ឬកម្មៈ ជាពាក្យកណ្តាល ឬភាសាកណ្តាលប៉ុណ្ណោះ ។ ពាក្យកម្មជាកុសល សំដៅដល់អំពើល្អ ការងារល្អ ការសាងល្អ ប្រព្រឹត្តិអ្វីដែលល្អនាំមកជាកុសលល្អ ។
ពាក្យកម្មអកុសល មានន័យថា ជាអំពើអាក្រក់ សេចក្តីអាក្រក់ រឿងអ្វីៗកើតឡើងមកដល់អាក្រក់ ។ ឧទាហរណ៍ ការរៀនសូត្រ រៀនតាំងពីថ្នាក់ទី១ ដល់ថ្នាក់ទី១២ ក៏ជាផលរបស់កម្ម សំដៅដល់ការរៀនសូត្រចេះដឹង ពោលការរៀន គឺដឹងតែចេះ គ្រាន់តិចនិងច្រើនប៉ុណ្ណោះ ។
ម្យ៉ាងទៀត ព្រះសម្មាសម្ពុទ្ធទ្រង់សម្តែងថា មនុស្សទាំងអស់បានសេចក្តីសុខ ដោយសារភោគទ្រព្យភោគសម្បត្តិ ។ គឺកើតចេញពីការខិតខំធ្វើការស្រវ៉ាស្រទិញ បានយ៉ាងលំបាកលំបិន ដើម្បីបានទ្រព្យសម្បតិ្ត គឺដោយការខិតខំប្រឹងប្រែងដោយការងារ ដោយសារតែកម្ម ឬកម្មៈនេះឯង ។
គួរបញ្ជាក់ដែរថា នាឱកាសនេះថ្ងៃកាន់បិណ្ឌ និងភ្ជុំបិណ្ឌនេះឃើញថា មានពុទ្ធបរិស័ទដែលមកពីគ្រប់ទិសទី នាំគ្នាទៅវត្តអារាម ដើម្បីសាងអំពើកុសលកម្ម ក្នុងការឧទ្ទិសដល់ញាតិទាំង ៧សន្តាន ដែលបានចែកឋានទៅលោកខាងមុខ ពិសេសខ្លះទៀតក៏បានឧទ្ទិលដល់វីរៈកងទ័ព ដែលបានពលីជីវិត សាច់ស្រស់ ការការពារបូរណភាពទឹកដីមាតុភូមិកម្ពុជា ។
ដូច្នេះចំពោះពាក្យថា កម្ម ឬកម្មៈ ការជឿលើកម្មផល សង្ឃឹមថាលោកអ្នកនឹងបានយល់ ហើយឈប់ជឿខុសចំពោះពាក្យថា « កម្ម » សំដៅដល់ពាក្យអាក្រក់ ឬសេចក្តីអាក្រក់ ដោយពាក្យកម្មជាភាសាកណ្តាល៕
ចែករំលែកព័តមាននេះ