ខេត្តបន្ទាយមានជ័យ ៖ រយៈពេល២ថ្ងៃ កម្លាំងការពារព្រំដែន បានរារាំងពលករចំនួន ៤៤នាក់ ក្នុងភូមិសាស្គ្រស្រុកម៉ាឡៃ ខណៈពួកគេប៉ុនប៉ងលួចឆ្លងដែន ចូលទៅប្រទេសថៃដោយខុសច្បាប់នាំមកអប់រំ ។…
ខេត្តបន្ទាយមានជ័យ ៖ រយៈពេល២ថ្ងៃ កម្លាំងការពារព្រំដែន បានរារាំងពលករចំនួន ៤៤នាក់ ក្នុងភូមិសាស្គ្រស្រុកម៉ាឡៃ ខណៈពួកគេប៉ុនប៉ងលួចឆ្លងដែន ចូលទៅប្រទេសថៃដោយខុសច្បាប់នាំមកអប់រំ ។
លោកវរសេនីយ៍ឯក សួង សៅ មេបញ្ជាការនគរបាលវរការពារព្រំដែនគោកលេខ៨១៥ បានប្រាប់ថា រយៈពេល២ថ្ងៃនេះ កម្លាំងនគរបាលវរការពារព្រំដែនគោកលេខ៨១៥ សហការជាមួយកម្លាំងយោធាតំបន់ប្រតិបត្តិការសឹករងស្រុកម៉ាឡៃបានចេញល្បាតប្រទះឃើញពលរដ្ឋខ្មែរចំនួន៤៤នាក់ (ស្រី១៧នាក់) និងកុមារ៣នាក់ ប៉ងលួចឆ្លងដែនទៅស្រុកសៀម ។
លោកបានបញ្ជាក់ថា ក្នុងចំណោមពលករចំនួន៤៤នាក់ ត្រូវបានកម្លាំងចម្រុះរារាំង២គោលដៅដោយឡែកគ្នា គឺនៅថ្ងៃទី២ ខែកញ្ញា ឆ្នាំ២០២៥ នៅក្បែរអូរព្រំដែនភូមិវាលហាត់ ឃុំម៉ាឡៃ ស្រុកម៉ាឡៃមានចំនួន១៦នាក់ (ស្រី៦នាក់) និងអ្នកនាំផ្លូវ១នាក់ ។ នៅថ្ងៃទី៤ ខែកញ្ញា ឆ្នាំ២០២៥ នៅភូមិកណ្តាល ឃុំស្រឡៅ ស្រុកម៉ាឡៃមានចំនួន២៨នាក់ (ស្រី១១នាក់) កុមារ៣នាក់ ។
លោកវរសេនីយ៍ឯក សួង សៅ បានបញ្ជាក់ថា តាមការណែនាំពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងជំនាញសហការជាមួយកម្លាំងយោធាឃាត់ខ្លួនពលករខ្មែររយៈពេល២ថ្ងៃ បានចំនួន៤៤នាក់ ត្រូវបានធ្វើការអប់រំណែនាំ និងកិច្ចសន្យាហើយអាជ្ញាធរបានដឹកពួកគាត់ឱ្យទៅលំនៅឋានវិញ ៕
ចែករំលែកព័តមាននេះ