ខេត្តកំពង់ស្ពឺ ៖ ជនសង្ស័យម្នាក់ត្រូវបានកម្លាំងមូលដ្ឋានកងរាជអាវុធហត្ថស្រុកឱរ៉ាល់ឃាត់ខ្លួនបានយ៉ាងលំបាកឡើងបែកញើសដោយចាប់សង្គ្រប់ ខណៈដែលជនសង្ស័យខាងលើតែងតែកាន់ដំបងដើរអុកឡុកក្នុងភូមិ និងតាមទីសាធារណៈ ធ្វើឱ្យប៉ះពាល់ដល់ការរស់នៅរបស់ប្រជាពលរដ្ឋ។ការឃាត់ខ្លួនជនសង្ស័យខាងលើបានធ្វើឡើងកាលពីវេលាម៉ោង៩និង៣០នាទីព្រឹកថ្ងៃទី៧ ខែកញ្ញា ឆ្នាំ២០២៥ នៅក្នុងភូមិចាន់ពីង ឃុំត្រពាំងជោ…
ខេត្តកំពង់ស្ពឺ ៖ ជនសង្ស័យម្នាក់ត្រូវបានកម្លាំងមូលដ្ឋានកងរាជអាវុធហត្ថស្រុកឱរ៉ាល់ឃាត់ខ្លួនបានយ៉ាងលំបាកឡើងបែកញើសដោយចាប់សង្គ្រប់ ខណៈដែលជនសង្ស័យខាងលើតែងតែកាន់ដំបងដើរអុកឡុកក្នុងភូមិ និងតាមទីសាធារណៈ ធ្វើឱ្យប៉ះពាល់ដល់ការរស់នៅរបស់ប្រជាពលរដ្ឋ។
ការឃាត់ខ្លួនជនសង្ស័យខាងលើបានធ្វើឡើងកាលពីវេលាម៉ោង៩និង៣០នាទីព្រឹកថ្ងៃទី៧ ខែកញ្ញា ឆ្នាំ២០២៥ នៅក្នុងភូមិចាន់ពីង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ។
មន្ត្រីអាវុធហត្ថស្រុកឱរ៉ាល់បាននិយាយឱ្យដឹងថា ជនសង្ស័យដែលឃាត់បានមានឈ្មោះ ទឹម ពេជ្រ ភេទប្រុស អាយុ២៦ឆ្នាំ មុខរបរមិនពិតប្រាកដ រស់នៅក្នុងភូមិចាន់ពីង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ។
មន្ត្រីអាវុធហត្ថស្រុកឱរ៉ាល់បានបន្តថា នៅមុនពេលឃាត់ខ្លួនជនសង្ស័យខាងលើ គឺមានការរាយការណ៍ពីប្រជាពលរដ្ឋ ។ ក្រោយពីទទួលបានព័ត៌មានពីករណីប្រើប្រាស់គ្រឿងញៀន និងអុកឡុកតាមផ្ទះ តាមផ្លូវសាធារណៈពីសំណាក់ ជនសង្ស័យខាងលើ កម្លាំងមូលដ្ឋានកងរាជអាវុធហត្ថស្រុកឱរ៉ាល់ បានចុះទៅដល់អន្តរាគមន៍ភ្លាមៗ នៅចំណុចក្នុងភូមិចាន់ពីង ឃុំត្រពាំងជោ ស្រុកឱរ៉ាល់ ក៏ឃាត់ខ្លួនជនសង្ស័យឈ្មោះ ទីម ពេជ្រ ភេទប្រុស អាយុ២៦ឆ្នាំ មុខរបរមិនពិតប្រាកដ រស់នៅក្នុងភូមិ-ឃុំខាងលើ ។
មន្ត្រីកងរាជអាវុធហត្ថស្រុកបានបញ្ជាក់ថា ក្រោយឃាត់ខ្លួនជនសង្ស័យខាងលើដកហូតវត្ថុតាងរួមមាន ដំបងទីបជ្រុង១ សោលេខ៤១ ចំនួន១ ចំពាមកៅស៊ូ១ និងសម្ភារៈប្រើប្រាស់ មួយចំនួនទៀត ។
បច្ចុប្បន្នជនសង្ស័យរួមជាមួយនិងវត្ថុតាងបានបញ្ជូនទៅបញ្ជាការដ្ឋានកងរាជអាវុធហត្ថខេត្តកំពង់ស្ពឺដើម្បីកសាងសំណុំចាត់ការបន្តតាមផ្លូវច្បាប់ ៕
ចែករំលែកព័តមាននេះ