កាហ្វេបានក្លាយជានិមិ្មរូបតនៃភេសជ្ជៈមនុស្សពេញវ័យនៅកម្ពុជា ហើយតម្រូវការកាហ្វេនៅកម្ពុជាកើនឡើងជាបន្តបន្ទាប់ដោយ៧ខែដើមឆ្នាំនេះ កម្ពុជានាំចូលកាហ្វេយ៉ាងច្រើនគួរឱ្យកត់សម្គាល់ពីវៀតណាមមក ។ ពាក់ព័ន្ធនឹងទីផ្សារកាហ្វេនេះ នាយកដ្ឋានគយវៀតណាមបានឱ្យដឹងថា ការនាំចេញកាហ្វេរបស់វៀតណាមមកកាន់កម្ពុជាបានកើនឡើងដល់៧១៣តោន មានតម្លៃដល់ទៅ២,៧លានដុល្លារ ។ សារព័ត៌មាន…
កាហ្វេបានក្លាយជានិមិ្មរូបតនៃភេសជ្ជៈមនុស្សពេញវ័យនៅកម្ពុជា ហើយតម្រូវការកាហ្វេនៅកម្ពុជាកើនឡើងជាបន្តបន្ទាប់ដោយ៧ខែដើមឆ្នាំនេះ កម្ពុជានាំចូលកាហ្វេយ៉ាងច្រើនគួរឱ្យកត់សម្គាល់ពីវៀតណាមមក ។
ពាក់ព័ន្ធនឹងទីផ្សារកាហ្វេនេះ នាយកដ្ឋានគយវៀតណាមបានឱ្យដឹងថា ការនាំចេញកាហ្វេរបស់វៀតណាមមកកាន់កម្ពុជាបានកើនឡើងដល់៧១៣តោន មានតម្លៃដល់ទៅ២,៧លានដុល្លារ ។
សារព័ត៌មាន Vietnam News បានឲ្យដឹងថា ជាមួយនឹងបរិមាណនេះ ការនាំចេញកាហ្វេវៀតណាមនៅក្នុងអំឡុងពីខែមករា ដល់ខែកក្កដា គិតជាបរិមាណគឺកើនឡើង៤០៦% ហើយបើគិតជាតម្លៃវិញគឺមានកំណើនកើនឡើងប្រមាណជា៤៦០%ឯណោះ ។
ក្រៅពីកម្ពុជានោះ វៀតណាមបាននាំចេញកាហ្វេទៅកាន់ប្រទេសជាច្រើននៅលើពិភពលោក ។
៧ខែកន្លងមកនេះ វៀតណាមបាននាំចេញសរុបប្រមាណជា១,១លានតោន មានតម្លៃសរុបជាង៦ ពាន់លានដុល្លារ កើនឡើង៨%គិតជាបរិមាណ ហើយបើគិតជាតម្លៃវិញគឺមានកំណើន៦៦% ។
ទីផ្សារធំបំផុតនៃកាហ្វេវៀតណាម គឺអឺរ៉ុបដោយ៧ខែកន្លងទៅនេះ គឺនាំចេញសរុប២.២៣១តោន មានតម្លៃជាង១០លានដុល្លារ ។
ចែករំលែកព័តមាននេះ