ការញ៉ាំតែកាហ្វេទឹកដោះគោ ជំនួសអាហារពេលព្រឹក គឺអាចធ្វើឲ្យឡើងគីឡូបាន ប្រសិនបើអ្នកញ៉ាំក្នុងបរិមាណច្រើន និងញ៉ាំរាល់ថ្ងៃ ។ ខាងក្រោមនេះ ជាហេតុផលមួយចំនួនដែលធ្វើឲ្យកាហ្វេទឹកដោះគោអាចឡើងគីឡូបាន៖ ១. ជាតិស្ករ…
ការញ៉ាំតែកាហ្វេទឹកដោះគោ ជំនួសអាហារពេលព្រឹក គឺអាចធ្វើឲ្យឡើងគីឡូបាន ប្រសិនបើអ្នកញ៉ាំក្នុងបរិមាណច្រើន និងញ៉ាំរាល់ថ្ងៃ ។ ខាងក្រោមនេះ ជាហេតុផលមួយចំនួនដែលធ្វើឲ្យកាហ្វេទឹកដោះគោអាចឡើងគីឡូបាន៖
១. ជាតិស្ករ និងកាឡូរីខ្ពស់
កាហ្វេទឹកដោះគោភាគច្រើនមានជាតិស្ករច្រើន ៖ ជាពិសេសកាហ្វេដែលទិញតាមហាង ព្រោះគេបន្ថែមទឹកដោះគោខាប់ និងស្ករច្រើន ដើម្បីឲ្យមានរសជាតិឆ្ងាញ់ ។ ជាតិស្ករទាំងនេះផ្តល់កាឡូរីខ្ពស់ដែលធ្វើឲ្យឡើងទម្ងន់បានយ៉ាងងាយ ប្រសិនបើទទួលទានជាប្រចាំ ។
បរិមាណទឹកដោះគោ៖ ការប្រើទឹកដោះគោដែលមានជាតិខ្លាញ់ខ្ពស់ (ដូចជា ទឹកដោះគោខាប់ ឬទឹកដោះគោស្រស់ពេញជាតិខ្លាញ់) ក៏បន្ថែមបរិមាណកាឡូរីទៅក្នុងកាហ្វេផងដែរ ។
២. មិនមានសារធាតុចិញ្ចឹមគ្រប់គ្រាន់
កង្វះប្រូតេអ៊ីន និងជាតិសរសៃ ៖ កាហ្វេទឹកដោះគោ ផ្តល់តែថាមពលពីជាតិស្ករ និងខ្លាញ់បណ្ដោះអាសន្នប៉ុណ្ណោះ តែមិនមានប្រូតេអ៊ីន ឬជាតិសរសៃដែលរាងកាយត្រូវការនោះទេ។ ការខ្វះសារធាតុទាំងនេះ អាចធ្វើឲ្យអ្នកឃ្លានលឿន ហើយចង់ញ៉ាំអាហារសម្រន់ច្រើនជាងធម្មតា ដែលជាហេតុនាំឲ្យឡើងគីឡូ ។
មិនជួយឆ្អែតបានយូរ ៖ កាហ្វេទឹកដោះគោមិនអាចធ្វើឲ្យអ្នកឆ្អែតបានយូរដូចអាហារពេលព្រឹកដែលមានប្រូតេអ៊ីន និងជាតិសរសៃដូចជា បបរ ឬនំប៉័ងនោះទេ ។
៣. ប៉ះពាល់ដល់ការរំលាយអាហារ
រំលាយអាហារមិនទៀងទាត់ ៖ ការរំលងអាហារពេលព្រឹក ហើយញ៉ាំតែកាហ្វេទឹកដោះគោ អាចធ្វើឲ្យប្រព័ន្ធរំលាយអាហារដំណើរការមិនទៀងទាត់ និងអាចប៉ះពាល់ដល់ការរំលាយអាហារនៅពេលក្រោយ។
តើគួរធ្វើដូចម្តេច0x017d7 ដើម្បីចៀសវាងបញ្ហាឡើងគីឡូ អ្នកអាចកាត់បន្ថយបរិមាណជាតិស្ករក្នុងកាហ្វេ ឬប្រើទឹកដោះគោ ជម្រើសដែលមានជាតិខ្លាញ់ទាប (ដូចជាទឹកដោះគោស្រស់គ្មានជាតិខ្លាញ់) ។ អ្វីដែលសំខាន់បំផុតនោះ គឺ អ្នកគួរតែបន្ថែមអាហារពេលព្រឹក ដែលមានតុល្យភាព (ដូចជាពងទា បន្លែ ឬនំប៉័ង) ទៅក្នុងរបបអាហាររបស់អ្នក ដើម្បីទទួលបានសារធាតុចិញ្ចឹមគ្រប់គ្រាន់សម្រាប់រាងកាយ និងជួយទប់ស្កាត់ការឃ្លានអាហារផ្ដេសផ្ដាសផងដែរ ៕
ចែករំលែកព័តមាននេះ