មុនជាបញ្ហាស្បែកទូទៅមួយដែលបង្កឱ្យមានការព្រួយបារម្ភ។ ខាងក្រោមនេះជាវិធីសាស្ត្រងាយៗ ៤ យ៉ាងដែលអ្នកអាចអនុវត្តបានដើម្បីកាត់បន្ថយបញ្ហាមុន៖ ១. បោកគក់ស្រោមខ្នើយជាប្រចាំស្រោមខ្នើយដែលអ្នកគេងរាល់យប់អាចជាជម្រកដ៏ល្អសម្រាប់ធូលីដី ខ្លាញ់មុខ និងបាក់តេរី។ ស្រោមខ្នើយដែលផលិតពីកប្បាសងាយប្រមូលផ្ដុំបាក់តេរីដែលបង្កឱ្យមានអាលែហ្ស៊ី និងមុន។…
មុនជាបញ្ហាស្បែកទូទៅមួយដែលបង្កឱ្យមានការព្រួយបារម្ភ។ ខាងក្រោមនេះជាវិធីសាស្ត្រងាយៗ ៤ យ៉ាងដែលអ្នកអាចអនុវត្តបានដើម្បីកាត់បន្ថយបញ្ហាមុន៖
១. បោកគក់ស្រោមខ្នើយជាប្រចាំ
ស្រោមខ្នើយដែលអ្នកគេងរាល់យប់អាចជាជម្រកដ៏ល្អសម្រាប់ធូលីដី ខ្លាញ់មុខ និងបាក់តេរី។ ស្រោមខ្នើយដែលផលិតពីកប្បាសងាយប្រមូលផ្ដុំបាក់តេរីដែលបង្កឱ្យមានអាលែហ្ស៊ី និងមុន។ ដើម្បីការពារ អ្នកគួរ បោកគក់និងផ្លាស់ប្ដូរស្រោមខ្នើយរៀងរាល់ ២ ទៅ ៣ ថ្ងៃម្ដង។
២. ជៀសវាងប៉ះមុខពេលដៃកខ្វក់
ដៃរបស់អ្នកតែងតែប៉ះពាល់នឹងវត្ថុផ្សេងៗដែលពោរពេញដោយបាក់តេរី។ ការប៉ះមុខញឹកញាប់ដោយមិនបានលាងដៃអាចចម្លងបាក់តេរីនិងធូលីដីទៅកាន់ស្បែកមុខ ដែលជាហេតុបង្កឱ្យមានការកើតមុន។
៣. ចងសក់ឱ្យបានត្រឹមត្រូវ
សក់ដែលឡើងប្រេងអាចប៉ះពាល់ផ្ទៃមុខនិងបណ្ដាលឱ្យស្ទះរន្ធញើស។ ផលិតផលថែរក្សាសក់មួយចំនួនដូចជា ស្ព្រៃយ៍ ជែល ឬប្រេង ក៏អាចធ្វើឱ្យស្បែកមុខមានប្រតិកម្ម និងឡើងប្រេងលើសកម្រិតជាហេតុនាំឱ្យកើតមុនលើថ្ងាស។ ដូច្នេះហើយ អ្នកគួរ ចងសក់ឱ្យបានត្រឹមត្រូវ។
៤. ជូតសម្អាតទូរស័ព្ទដៃជានិច្ច
ទូរស័ព្ទដៃផ្ទុកបាក់តេរីនិងមេរោគជាច្រើន។ ការដាក់ទូរស័ព្ទនៅមុខនិងនិយាយយូរអាចបន្សល់ទុកធូលីដីនិងបាក់តេរីចូលទៅក្នុងរន្ធញើស ដែលអាចបង្កឱ្យមានមុន។ ហេតុនេះ អ្នកគួរ សម្អាតទូរស័ព្ទដៃឱ្យបានញឹកញាប់។
ការថែរក្សាអនាម័យជាប្រចាំគឺជាគន្លឹះដ៏សំខាន់ដើម្បីរក្សាស្បែកមុខឱ្យមានសុខភាពល្អ និងកាត់បន្ថយបញ្ហាមុន៕
ចែករំលែកព័តមាននេះ