កូរ៉េខាងជើង-ចិន ៖ រថភ្លើងពិសេសមួយ ដែលលោកគីម ជុងអ៊ុន ជិះបានមកដល់ក្រុងប៉េកាំងនារសៀលថ្ងៃទី២ កញ្ញា បំពេញទស្សនកិច្ចមួយនៅចិន ចូលរួមទស្សនាក្បួនព្យុហយាត្រាយោធាដ៏ធំមួយ រួមជាមួយប្រធានាបតីចិន…
កូរ៉េខាងជើង-ចិន ៖ រថភ្លើងពិសេសមួយ ដែលលោកគីម ជុងអ៊ុន ជិះបានមកដល់ក្រុងប៉េកាំង
នារសៀលថ្ងៃទី២ កញ្ញា បំពេញទស្សនកិច្ចមួយនៅចិន ចូលរួមទស្សនាក្បួនព្យុហយាត្រាយោធាដ៏ធំមួយ រួមជាមួយប្រធានាបតីចិន លោកសីុជីនពីង និងមេដឹកនាំរុស្សុី លោកវ្ល៉ាឌីមៀរ ពូទីន។ នៅក្រុងប៉េកាំងលោកគីមជុងអ៊ុនត្រូវបានទទួលដ៏កក់ក្ដៅបំផុត ដោយប្រធានាធិបតីចិនលោកសីុជីនពីង។
វត្តមានរបស់លោកគីមជុងអ៊ុនក្នុងពិធីព្យុហយាត្រាយោធានាថ្ងៃទី៣កញ្ញា រំឭកខួបលោកទី៨០នៃការបញ្ចប់សង្គ្រាមលោកលើកទី២ ពិតជារឿងប្រវត្តិសាស្ត្រមួយ។ រថភ្លើងមួយខ្សែដែលដាក់ទង់ជាតិកូរ៉េខាងជើង ហើយហាក់ដូចជារថភ្លើងដែលលោកធ្លាប់ជិះរួចមកហើយកាលពីមុន បានមកដល់ស្ថានីយរថភ្លើងក្រុងប៉េកាំង។
លោកគីមជុងអ៊ុនខានចេញក្រៅប្រទេសយូរមកហើយ បន្ទាប់ពីលោកទៅកាន់រុស្សុីកាលពីខែកញ្ញាឆ្នាំ២០២៣មក។ ការមកកាន់ក្រុងប៉េកាំងលើកនេះជាការចេញក្រៅប្រទេសលើកទី៩ បនា្ទប់ពីលោកស្នងតំណែងពីឪពុកពីដំណាច់ឆ្នាំ២០១១មក។ ដើម្បីមកដល់ក្រុងប៉េកាំងរថភ្លើងលោកគីមជុងអ៊ុនត្រូវធ្វើដំណើរក្នុងចម្ងាយផ្លូវ១៣០០គីឡូម៉ែត្រ និងត្រូវចំណាយពេលប្រមាណ១ថ្ងៃ។ ការធ្វើដំណើរនិងការមកដល់ក្រុងប៉េកាំងរបស់លោកត្រូវរក្សាជាការសម្ងាត់បំផុតក៏ដូចជាមួយផ្នែកធំនៃសកម្មភាពរបស់លោក។
លោកគីមជុងអ៊ុនជាមេដឹកនាំបរទេសមួយរូបក្នុងចំណោមមេដឹកនាំបរទេស២៦រូប អញ្ញើញមកចូលរួមក្នុងព្រឹត្តិការណ៍នោះ។ ប្រធានាធិបតីរុស្សុីលោកវ្លាំឌីមៀរពូទីនក៏ចូលរួមក្នុងក្បួនព្យុហយាត្រាយោធានៅក្រុងមូស្គូនោះដែរ។ ក្នុងពេលទស្សនាព្យុហយាត្រា យោធាលោកគីមជុងអ៊ុននិងលោកពូទីនត្រូវគេរៀបចំឲ្យអង្គុយអែបសងខាងលោកសីុជីនពីង។ នៅក្រុងប៉េកាំងលោកជួបពិភាក្សាជាមួយលោកសីុជីនពីងព្រមទាំងលោកពូទីនផងដែរ៕
ចែករំលែកព័តមាននេះ