ប្រទេសអាហ្វហ្គានីស្ថាន ៖ ទីភ្នាក់ងារព័ត៌មានផ្លូវការអាហ្វហ្គានីស្ថានBAKHTAR រាយការណ៍នាថ្ងៃទី២កញ្ញាថា ការរញ្ជួយដីមួយដែលកើតមាន កាលពីយប់ថ្ងៃទី៣១សីហាក្នុងខេត្តគូណារភាគខាងកើតអាហ្វហ្គានីស្ថាន ចំនួនអ្នកស្លាប់កើនដល់ជាង៨០០នាក់ហើយ។
នាថ្ងៃទី២កញ្ញាក្រុមអ្នកជួយសង្គ្រោះបានខិតខំកាយរុករកអ្នកដែលអាចនៅរស់រានមានជីវិតពីក្រោមគំនរបាក់បែកនៃផ្ទះទាំងឡាយដែលរងការបំផ្លាញខ្ទេច។ ។ បណ្ដាក្រុមអ្នកជួយសង្គ្រោះបានលើកទៅដល់បណ្ដាតំបន់ដាច់ស្រយាល ដែលគមនាគមន៍មានកម្រិត។ ទីភ្នាក់ងារព័ត៌មានBAKHTARបន្តថា ការខិតខំប្រឹងប្រឹងកំពុងបន្ត ដើម្បីវាយតម្លៃពីទំហំសរុបនៃការខូចខាតនិងផ្ដល់ជំនួយដល់បណ្ដាសហគមន៍រងការប៉ះពាល់។
តាមវិទ្យាស្ថានភូគុម្ភសាស្ត្រអាមេរិកUSGS ថា ការរញ្ជួយដីនេះមានកម្លាំង៦រីស្ទ័រ កើតមាននៅអាហ្វាហ្គានីស្ថានកាលពីថ្ងៃទី៣១សីហា វេលាម៉ោង២៣និង៤៧នាទីម៉ោងក្នុងស្រុក។ ចំណុចកណ្ដាលរបស់វាស្ថិតនៅចម្ងាយ២៧គីឡូម៉ែត្រភាគឦសានក្រុងហ្សាឡាឡាបាដ ទីប្រជុំជនខេត្តណានហ្គាហារក្នុងជម្រៅ៨គីឡូម៉ែត្រ។ មានការញ័ររង្គើរខ្លាំងរហូតដល់ក្រុងកាប៊ុល។ ការរញ្ជួយដីនោះកើតមានក្នុងបណ្ដាតំបន់ដាច់ស្រយាលនៃខេត្តគូណា ណានហា្គហារនិងឡាក់ម៉ាន់។
អាហ្វហ្គានីស្ថានជាប្រទេសក្រីក្របំផុតមួយនៃពិភពលោក។ បណ្ដាទីភ្នាក់ងាររបស់អ.ស.ប បានធ្វើយុទ្ធនាការអំពាវនាវរកជំនួយ ហើយបានបញ្ចេញប្រាក់ដំបូង៥លានដុល្លារ ដកយកពីមូលនិធិពិភពលោកអន្តរាគមន៍បន្ទាន់របស់អ.ស.ប។ អង់គ្លេសប្រកាសពីការផ្ដល់ជំនួយ១លានលីហ្វ្រស្ទ៍រលីញ ជួយបណ្ដាគ្រួសាររងការប៉ះពាល់៕
ចែករំលែកព័តមាននេះ