ខេត្តកោះកុង៖ អាជ្ញាធរមានសមត្ថកិច្ច ចុះត្រួតពិនិត្យ ផ្ទៀងផ្ទាត់ កុងទ័រចែកចាយប្រេងឥន្ធនៈ ក្នុងស្រុកមណ្ឌលសីមា ដោយបានរកឃើញដៃបាញ់ប្រេងឥន្ធនៈរបស់ស្ថានីយចំនួន ៣០ដៃ មានកម្រិតលំអៀងត្រឹមត្រូវតាមបច្ចេកទេស ដែលអាចអនុញ្ញាតឱ្យធ្វើការប្រកបអាជីវកម្មបាន។

យោងតាមការចុះផ្សាយរបស់រដ្ឋបាលខេត្តកោះកុង បានឱ្យដឹងថា​ នៅថ្ងៃទី២៩ ខែសីហា ឆ្នាំ២០២៥ លោក ខឹម សីហា អនុប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តកោះកុង បានដឹកនាំមន្ត្រីជំនាញមន្ទីរ ដោយធ្វើការសហការជាមួយមន្រ្តីរបស់រដ្ឋបាលខេត្ត និងមន្ត្រីរបស់រដ្ឋបាលស្រុក បានចុះត្រួតពិនិត្យ ផ្ទៀងផ្ទាត់ កុងទ័រចែកចាយប្រេងឥន្ធនៈចំនួន ០៤មូលដ្ឋាន ស្ថិតក្នុងស្រុកមណ្ឌលសីមា ខេត្តកោះកុង។

ជាលទ្ធផល ក្រុមការងារពិនិត្យឃើញថា ដៃបាញ់របស់ស្ថានីយចំនួន ៣០ដៃ មានកម្រិតលំអៀងត្រឹមត្រូវតាមបច្ចេកទេស ដែលអាចអនុញ្ញាតឱ្យធ្វើការប្រកបអាជីវកម្មបាន និងចំនួន ០៤ដៃទៀត ជាដៃខូច ត្រូវបានម្ចាស់ដេប៉ូ ស្នើសុំអនុញ្ញាតឈប់ប្រើប្រាស់៕
​