ខេត្តកោះកុង ៖ ក្រុមគ្រូពេទ្យ នៃមន្ទីរពេទ្យបង្អែកខេត្តកោះកុង បានទៅទទួលស្ត្រីម្នាក់ ជាពលករខ្មែរនៅប្រទេសថៃ មានផ្ទៃពោះគ្រប់ខែ ដែលមន្ទីរពេទ្យមួយ នៅក្នុងប្រទេសថៃ បានបញ្ជូនមកកាន់ព្រំដែន…
ខេត្តកោះកុង ៖ ក្រុមគ្រូពេទ្យ នៃមន្ទីរពេទ្យបង្អែកខេត្តកោះកុង បានទៅទទួលស្ត្រីម្នាក់ ជាពលករខ្មែរនៅប្រទេសថៃ មានផ្ទៃពោះគ្រប់ខែ ដែលមន្ទីរពេទ្យមួយ នៅក្នុងប្រទេសថៃ បានបញ្ជូនមកកាន់ព្រំដែន កាលពីល្ងាចថ្ងៃព្រហស្បតិ៍ ទី២៨ ខែសីហា ឆ្នាំ២០២៥ ។
ក្រុមគ្រូពេទ្យ នៃមន្ទីរពេទ្យបង្អែកខេត្តកោះកុង បានប្រើប្រាស់រថយន្តសង្គ្រោះមន្ទីរពេទ្យ ទៅទទួលស្ត្រីជនជាតិខ្មែរម្នាក់ ជាពលករនៅប្រទេសថៃ មានផ្ទៃពោះគ្រប់ខែ (ឈឺពោះត្រៀមសម្រាល) ដែលមន្ទីរពេទ្យមួយនៅក្នុងប្រទេសថៃ បញ្ជូនមកកាន់ព្រំដែនអន្តរជាតិ ចាំយាម-ហាតលេក ។
ស្ដ្រីមានផ្ទៃពោះ មានលើសសម្ពាធឈាម និងហើមជើង (បម្រុងក្រឡាភ្លើងធ្ងន់ធ្ងរ) ។ លុះមកដល់វេលាម៉ោង០០និង៥០នាទី រំលងអធ្រាត ឈានចូលថ្ងៃទី២៩ ខែសីហា ឆ្នាំ២០២៥ ក្រុមគ្រូពេទ្យផ្នែកសម្ភព បានជួយសម្រាលបានទារក១ ភេទប្រុស ទំងន់៣,៦គក្រ (Normal delivery – Severe pre eclampsia) ។
បច្ចុប្បន្នស្ត្រី និងទារកខាងលើ កំពុងបន្តសម្រាក ទទួលការថែទាំ ព្យាបាល យ៉ាងយកចិត្តទុកដាក់ពីក្រុមគ្រូពេទ្យ ៕
ចែករំលែកព័តមាននេះ