ខេត្តកំពង់ឆ្នាំង ៖ លោកជុំទាវ កែច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង នៅព្រឹកថ្ងៃទី២៨ ខែសីហា ឆ្នាំ ២០២៥ បានអញ្ជើញជាអធិបតីក្នុងពិធីបើកវិញ្ញាសារប្រឡងមធ្យមសិក្សាប័ត្រទុតិយភូមិ…
ខេត្តកំពង់ឆ្នាំង ៖ លោកជុំទាវ កែច័ន្ទមុនី អ្នកតំណាងរាស្ត្រមណ្ឌលកំពង់ឆ្នាំង នៅព្រឹកថ្ងៃទី២៨ ខែសីហា ឆ្នាំ ២០២៥ បានអញ្ជើញជាអធិបតីក្នុងពិធីបើកវិញ្ញាសារប្រឡងមធ្យមសិក្សាប័ត្រទុតិយភូមិ នៅមណ្ឌលប្រលងវិទ្យាល័យ ព្រះបាទសុរាម្រិត កំពង់ឆ្នាំង។ ពិធីនេះក៏មានការអញ្ជើញចូលរួមពី ឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំយុវជននិងកីឡា និងជាប្រធានគណៈមេប្រយោគទូទាំងខេត្តកំពង់ឆ្នាំង ព្រមទាំងមានការអញ្ជើញចូលរួមពីមន្ត្រីរាជការនឹងមន្ត្រី ACU ជាច្រើនរូបទៀត។
មានប្រសាសន៍នៅក្នុងឱកាសនោះ ឯកឧត្តម យិន សាវ៉េនអភិបាលរងខេត្តកំពង់ឆ្នាំង បានផ្ដាំផ្ញើដល់បេក្ខជនប្រឡងទាំងអស់សូមកុំភិតភ័យ យកចិត្តទុកដាក់យកសមត្ថភាព ចំណេះដឹងដែលខ្លួនមាន មកធ្វើការប្រឡងឲ្យទទួលជោគជ័យ។ ជាមួយគ្នានេះសូមបេក្ខជនទាំងអស់ប្រុងប្រយ័ត្នពេលសម្រាកទៅហូបអាហារ នឹងទៅ មក ប្រលង ត្រូវប្រយ័ត្នគ្រោះថ្នាក់ចរាចរណ៍ ដែលធ្វើឲ្យអាក់ខានក្នុងការប្រឡង ព្រោះការប្រឡងសញ្ញាបត្រទុតិយភូមិ មានសារៈសំខាន់ខ្លាំងណាស់។ សូមប្រុងប្រយ័ត្នចំពោះចំណីអាហារដែល អាចធ្វើឱ្យយើងមានបញ្ហារាករូស អាក់ខានប្រឡង ក៏អាចថាបាន។ ក្មួយៗជាបេក្ខជនប្រឡងត្រូវចាំថាបើយើងប្រឹងរៀនចេះគឺប្រឡងជាប់ និងសូមជូនពរឱ្យក្មួយៗទទួលបានជោគជ័យក្នុងការប្រឡងទទួលបាននិទ្ទេសល្អទាំងអស់គ្នា។
សូមបញ្ជាក់ថា សម័យប្រឡងមធ្យមសិក្សាបាត់ទុតិយភូមិឆ្នាំ 2024 ឆ្នាំ 2025 នាព្រឹកថ្ងៃទី ២៨ខែសីហានេះ មានបេក្ខជនបានចុះឈ្មោះប្រឡងចំនួន ៤ ៧៣១នាក់(ស្រី២ ៧៧៧នាក់) ចែកចេញជា៨មណ្ឌល ស្មើនិង១៩០ បន្ទប់ ។ បេក្ខជនអវត្តមានមានចំនួន ៦៧នាក់(ស្រី៣១នាក់) ៕
ចែករំលែកព័តមាននេះ