បេក្ខជនប្រឡងបាក់ឌុបមួយរូបកំពុងមានជំងឺគ្រុនឈា.ម បានសុំប្រឡងនៅបន្ទប់ដាច់ដោយឡែក
- ភ្នំពេញ
រាជធានីភ្នំពេញ៖បេក្ខជនមួយរូប ឈ្មោះ ធ ភក្ត្រា ភេទ ប្រុស លេខបន្ទប់ ១៧ លេខតុ ៤១៥…
រាជធានីភ្នំពេញ៖បេក្ខជនមួយរូប ឈ្មោះ ធ ភក្ត្រា ភេទ ប្រុស លេខបន្ទប់ ១៧ លេខតុ ៤១៥ កំពុងមានជំងឺគ្រុនឈាម រយៈពេល ៦ថ្ងៃ និងមានអាការៈវិលមុខ ថប់ដង្ហើម ចង់ក្អួតចង្អោរ ដូច្នេះបេក្ខជនបានស្នើសុំប្រឡងនៅបន្ទប់ដាច់ដោយឡែក។
អង្គភាពប្រឆាំងអំពើពុករលួយបានឱ្យដឹងថាការប្រឡងរបស់បេក្ខជនរូបនេះក៏ត្រូវបានឯកភាពពីប្រធានមណ្ឌល និងតាមរយៈការវាយតម្លៃពីគ្រូពេទ្យប្រចាំមណ្ឌលផងដែរ។នាពេលនេះបេក្ខជនកំពុងទទួលបានការយកចិត្តទុកដាក់ពីក្រុមគ្រូពេទ្យ។
បេក្ខជនឈ្មោះ ធ ភក្ត្រា ភេទ ប្រុស លេខបន្ទប់ 17 លេខតុ 415 កំពុងមានជំងឺគ្រុនឈាម រយៈពេល 06ថ្ងៃ និងមានអាការៈវិលមុខ ថប់ដង្ហើម ចង់ក្អួតចង្អោរនៅមណ្ឌលវិទ្យាល័យព្រែកស្លែង ខេត្តកណ្តាល។
គួរបញ្ជាក់ថាក្នុងដំណើរការសំណេរនាព្រឹកនេះ មាន២មុខវិជ្ជា គឺប្រវត្តិវិទ្យា និងជីវវិទ្យាសម្រាប់ថ្នាក់វិទ្យាសាស្ត្រ និង ផែនដី និងបរិស្ថានវិទ្យា ប្រវត្តិវិទ្យាសម្រាប់ថ្នាក់វិទ្យាសាស្ត្រសង្គម។
ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២៨ សីហា ២០២៥ មានបេក្ខជនចុះឈ្មោះ ប្រឡងសរុប ១៤៦ ៧២០នាក់ ស្រី ៨១ ៤៤២នាក់ ក្នុងនោះបេក្ខជនថ្នាក់វិទ្យាសាស្ត្រមានចំនួន ៤០ ៦៧៨នាក់ ស្រី ២៤ ៥១៩នាក់ បេក្ខជនថ្នាក់វិទ្យាសាស្ត្រសង្គមមានចំនួន ១០៦ ០៤២នាក់ ស្រី ៥៦ ៩២៣នាក់៕
ចែករំលែកព័តមាននេះ