អភិបាលខេត្ត និងមន្ត្រី ACU ចុះត្រួតពិនិត្យមណ្ឌលប្រឡងមធ្យមសិក្សាទុតិយភូមិទាំង៨ក្នុងខេត្តកំពង់ឆ្នាំង
- កំពង់ឆ្នាំង
ខេឲត្តកំពង់ឆ្នាំង ៖ អភិបាលខេត្តកំពង់ឆ្នាំង ឯកឧត្តម ស៊ុន សុវណ្ណារិទ្ធិនៅព្រឹកថ្ងៃទី ២៧ ខែសីហា ឆ្នាំ ២០២៥…
ខេឲត្តកំពង់ឆ្នាំង ៖ អភិបាលខេត្តកំពង់ឆ្នាំង ឯកឧត្តម ស៊ុន សុវណ្ណារិទ្ធិនៅព្រឹកថ្ងៃទី ២៧ ខែសីហា ឆ្នាំ ២០២៥ បានដឹកនាំក្រុមការងារ និងមន្ត្រី អេស៊ីយូ ចុះត្រួតពិនិត្យមណ្ឌលប្រឡង មធ្យមសិក្សា សញ្ញាបត្រទុតិភូមិ ទាំង៨ មណ្ឌលក្នុងខេត្តកំពង់ឆ្នាំង ដើម្បីធានាក្នុងការប្រឡងនៅថ្ងៃស្អែកទី២៨ ខែសីហា ប្រកបដោយប្រសិទ្ធភាព សមភាព និងគុណភាព។
នៅក្នុងឱកាសនោះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ក៏បានមានប្រសាសន៍ថា ឯកឧត្តមនឹងពង្រឹង គុណភាពអប់រំ នៅតាមសាលាទូទាំងខេត្ត ពិសេសសិស្សដែលត្រៀមប្រលងសញ្ញាបត្រទុតិយភូមិ ដើម្បីឲ្យពួកគាត់ទទួលបានចំណេះដឹងល្អដើម្បីពេលប្រឡងទទួលបាននិទ្ទេសល្អគ្រប់ៗគ្នា។ ឯកឧត្តមក៏បានណែនាំដល់នាយកសាលាលោកគ្រូអ្នកគ្រូត្រូវយកចិត្តទុកដាក់បង្រៀនសិស្សទៅតាមការណែនាំរបស់ក្រសួងអប់រំដើម្បីពង្រឹងគុណភាពសិស្សនៅតាមសាលានិមួយៗ ។ជាមួយគ្នានេះធ្វើនៅតាមសាលាសូម ធ្វើអណាម័យ ធ្វើសួនច្បារ ឱ្យបានស្អាត ចូលរួមតាមដានឈើដើម្បីឲ្យបានជាទីជម្រក សម្រាប់សិស្សក្នុងការជ្រក រៀនសូត្រ។
បើតាមការបញ្ជាក់របស់លោក សឹម ប្រឹម ប្រធានមន្ទីរ អប់រំយុវជននិងកីឡា ខេត្តកំពង់ឆ្នាំងបានបញ្ជាក់ថា បេក្ខជនប្រឡងសញ្ញាបត្រមធ្យមសិក្សាទុតិយភូមិ ចំណេះដឹងទូទៅនិងបំពេញវិជ្ជាសម្រាប់សម័យប្រឡងឆ្នាំ២០២៤-២០២៥ ឆ្នាំនេះ ខេត្តកំពង់ឆ្នាំងមានបេក្ខជនដាក់ពាក្យប្រលងចំនួន ៤៨៤៣ នាក់( ស្រី២៨១៦ នាក់) មានមណ្ឌលប្រឡងចំនួន ៨ មណ្ឌលស្មើនឹង ១៩៥ បន្ទប់។
ក្នុងនោះមានថ្នាក់វិទ្យាសាស្ត្រសង្គមចំនួន ៧ មណ្ឌល គឺ មណ្ឌលបឋមសិក្សាគំរូក្រុង, មណ្ឌល សាលាបឋមសិក្សាខ្សាម ហង្សច័ន្ទលាភ,មណ្ឌលវិទ្យាល័យក្រុងកំពង់ឆ្នាំង,មណ្ឌលសាលាបឋមសិក្សាគិរីសុវណ្ណវង្ស, មណ្ឌល សាលាបឋមសិក្សា ប៊ុនរ៉ានីហ៊ុនសែនព្រៃខ្មែរ ,មណ្ឌលវិទ្យាល័យប៊ុនរ៉ានីហ៊ុនសែនរលាប្អៀរខាងកើត និងវិទ្យាល័យ ប៊ុនរ៉ានីហ៊ុនសែន រលាផ្អៀរខាងលិច ។និងថ្នាក់វិទ្យាសាស្ត្រ ១ មណ្ឌលគឺមណ្ឌលវិទ្យាល័យព្រះបាទសារាម្រឹតក្រុងកំពង់ឆ្នាំង ៕
ចែករំលែកព័តមាននេះ