រាជធានីភ្នំពេញ ៖ ឯកឧត្តម ឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិកម្ពុជា បានគូសបញ្ជាក់ថា ពេលនេះសមត្ថកិច្ចកំពុងតែធ្វើការងារស្រាវជ្រាវរកអត្តសញ្ញាណអ្នកដែលយករូបលោកទៅធ្វើអំពើទុច្ចរិត ។…
រាជធានីភ្នំពេញ ៖ ឯកឧត្តម ឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិកម្ពុជា បានគូសបញ្ជាក់ថា ពេលនេះសមត្ថកិច្ចកំពុងតែធ្វើការងារស្រាវជ្រាវរកអត្តសញ្ញាណអ្នកដែលយករូបលោកទៅធ្វើអំពើទុច្ចរិត ។
ឯកឧត្តម ទៀ សីហា បានសរសេរលើបណ្តាញសង្គម នៅថ្ងៃទី២៧ សីហា ឆ្នាំ២០២៥ យ៉ាងដូច្នេះថា ៖ កូនពៅខ្ញុំចូលចិត្តធុងបាសមែន តែខ្ញុំមិនមានពេលដល់ទៅ៣ម៉ោងឈរតម្រង់ជួរទិញធុងបាសនោះទេ ។
ឯកឧត្តមបានលើកឡើងថា ៖ បើសិនជាការបន្លំគណនី (យករូប និងឈ្មោះខ្ញុំដាក់ក្នុង Profile) ធ្វើឱ្យក្រុមហ៊ុន JBL លក់បានច្រើន ខ្ញុំសូមសាទរ ប៉ុន្តែបើបែរជាទៅប្រើក្នុងគោលបំណងបំភ្លៃព័ត៌មាន ឬមួយក្នុងគោលបំណងទុច្ចរិត ធ្វើឲ្យប៉ះពាល់ដល់សាធារណជន ខ្ញុំសុំឱ្យបញ្ឈប់សកម្មភាពភ្លាម ។ សមត្ថកិច្ចកំពុងតែធ្វើការងារស្រាវជ្រាវរកអត្តសញ្ញាណហើយ ៕
ចែករំលែកព័តមាននេះ