បន្ទាយមានជ័យ ៖ ស្ថានភាពនាព្រឹកថ្ងៃទី២៦ ខែសីហា ឆ្នាំ២០២៥ មានភាពស្ងប់ស្ងាត់ ប្រជាពលរដ្ឋជាច្រើនរយនាក់ បានមកជុំគ្នា ដើម្បីលើកទឹកចិត្ត និងជួយទប់ទល់បើមានការឈ្លានពាន…
បន្ទាយមានជ័យ ៖ ស្ថានភាពនាព្រឹកថ្ងៃទី២៦ ខែសីហា ឆ្នាំ២០២៥ មានភាពស្ងប់ស្ងាត់ ប្រជាពលរដ្ឋជាច្រើនរយនាក់ បានមកជុំគ្នា ដើម្បីលើកទឹកចិត្ត និងជួយទប់ទល់បើមានការឈ្លានពាន នៅភូមិជោគជ័យ ឃុំអូរបីជាន់ ស្រុកអូរជ្រៅ ។
ប្រជាពលរដ្ឋបានប្រាប់ថា ៖ កាលល្ងាចថ្ងៃទី២៥ ខែសីហា ឆ្នាំ២០២៥ មានទាហានថៃ ឯកសណ្ឋានប៉ារ៉ាមិនតិចជាងរយនាក់ប្រដាប់ដោយអាវុធបានដាក់លួសបន្លា ក្នុងទឹកដីកម្ពុជា ក្នុងភូមិសាស្ត្រភូមិជោគជ័យ ដែលបានដាក់លួសប្រមាណជិត១០០ម៉ែត្រខាងត្បូងឈៀងខាងលិចកន្លែងចាស់ ។
ប្រជាពលរដ្ឋបានបញ្ជាក់ថា ៖ ក្រោយទាហានថៃរំលោភបំពានអអិបតេយ្យភាពកម្ពុជា ប្រជាពលរដ្ឋមិនតិចជាង៥០០នាក់ ការពារដើម្បីទប់ទល់ជាមួយទាហានរហូតដល់ថយក្រោយ ហើយប្រជាពលរដ្ឋរុះរើយកលួសបន្លាចេញ ។
ប្រជាពលរដ្ឋបានបញ្ជាក់ថា ៖ សម្រាប់ថ្ងៃនេះ ស្ថានភាពដូចជា ស្ងប់ស្ងាត់ដោយមិនឃើញទាហានថៃធ្វើសកម្មភាពទេ តែប្រជាពលរដ្ឋមកច្រើនជាងម្សិលមិញនេះ ជាស្មារតីអង់អាចក្លាហានទប់ទល់ទាហានថៃឈ្លានទឹកដីកម្ពុជា ។
ជាក់ស្តែងក្នុងព្រឹត្តិការណ៍នេះក៏ឃើញ អាជ្ញាធរខេត្ត និងកងកម្លាំងនៅផ្នែកជួរមុខ ដើម្បីទប់ទល់សភាពការណ៍មិនអោយប្រជាពលរដ្ឋផ្ទុះហិង្សាកើតឡើងផងដែរ ៕
ចែករំលែកព័តមាននេះ