ខេត្តបន្ទាយមានជ័យ៖ វីរកងទ័ពជួរមុខ រួមទាំងប្រជាពលរដ្ឋ ក្នុងភូមិសាស្ដ្រខេត្តបន្ទាយមានជ័យ ទទួលបានម៉ាស់ការពារផ្សែងពុល។

យោងតាមការចុះផ្សាយរបស់មន្ទីរព័ត៌មានខេត្តបន្ទាយមានជ័យ បានឱ្យដឹងថា លោក ហ៉ឹល រ៉ាយ៉ា អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត នាំយកម៉ាស់ការពារផ្សែងពុលរបស់ ឯកឧត្តម កែ គឹមយ៉ាន ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ ជូនកងកម្លាំង និងប្រជាពលរដ្ឋ នៅជួរមុខ ភូមិជោគជ័យ ឃុំអូរបីជាន់។

ការណ៍នោះបានធ្វើឡើង នារាត្រី​​ថ្ងៃទី២៥ ខែសីហា ឆ្នាំ២០២៥ ក្នុងភូមិសាស្ដ្រខេត្តបន្ទាយមានជ័យ៕