ខេត្តឧត្តរមានជ័យ ៖ រដ្ឋបាល​ខេត្តឧត្តរមានជ័យ បាន​ប្រកាស​នា​ព្រឹក​ថ្ងៃ​ទី​២៦ ខែសីហា ឆ្នាំ​២០២៥​នេះ​ថា ៖ សូម​ជូនពរ​ប្អូន​ៗ​សិស្សានុសិស្ស​ធ្វើ​ដំណើរ​ដោយ​សុខ​សុវត្ថិភាព និង​ទទួល​ជោគជ័យ​ក្នុង​ការ​ប្រលង​សញ្ញាបត្រ​ទុតិយភូមិ​នា​ថ្ងៃ​ខាង​មុខ​នេះ​ទាំងអស់​គ្នា ។

នៅ​ព្រឹក​ថ្ងៃ​ទី​២៦ ខែសីហា ឆ្នាំ​២០២៥​នេះ ឯកឧត្តម អ៊ុ​ន សុ​ភ័​ក្រ អភិបាលរង​ខេត្តឧត្តរមានជ័យ បាន​អញ្ជើញ​ជូន​ដំណើរ​ប្អូន​ៗ​សិស្សានុសិស្ស​ធ្វើ​ដំណើរ​ទៅ​ប្រលង​សញ្ញាបត្រ​ទុតិយភូមិ នៅ​ខេត្តសៀមរាប នៅ​ថ្ងៃ​ទី​២៨ ខែសីហា ឆ្នាំ​២០២៥ ។

សូម​ជូនពរ​ប្អូន​ៗ​សិស្សានុសិស្ស​ធ្វើ​ដំណើរ​ដោយ​សុខ​សុវត្ថិភាព និង​ទទួល​ជោគជ័យ​ក្នុង​ការ​ប្រលង​ទាំងអស់​គ្នា ៕

សូមបញ្ជាក់ថា ៖ នៅសល់តែ២ថ្ងៃទៀតប៉ុណ្ណោះដល់ថ្ងៃប្រឡងបាក់ឌុបហើយ ។ សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ២៨ សីហា ២០២៥ មានបេក្ខជនចុះឈ្មោះ ប្រឡងសរុប ១៤៦ ៧២០ នាក់ ស្រី ៨១ ៤៤២ នាក់ ក្នុងនោះ៖ បេក្ខជនថ្នាក់វិទ្យាសាស្ត្រ មានចំនួន ៤០ ៦៧៨ នាក់ ស្រី ២៤ ៥១៩ នាក់ បេក្ខជនថ្នាក់វិទ្យាសាស្ត្រសង្គម មានចំនួន ១០៦ ០៤២ នាក់ ស្រី ៥៦ ៩២៣ នាក់៕