កោះតៃវ៉ាន ៖ ដោយដកស្រង់បទពិសោធន៍ក្នុងសង្គ្រាមនៅអ៊ុយក្រែន ជាសង្គ្រាមដែលពេលនេះផ្ដោតខ្លាំងលើការប្រើដ្រូនវាយប្រហារ ជាជាងប្រើយន្តហោះដែលមានតម្លៃថ្លៃខ្លាំង កោះតៃវ៉ាន់ប្រកាសពីបំណងរបស់ខ្លួន ឲ្យទទួលបានដ្រូនប្រមាណជា៥០.០០០គ្រឿង រយៈពេល២ឆ្នាំខាងមុខនេះ សម្រាប់ទប់ទល់ការពារខ្លួនប្រឈមមុខនឹងចិនដីគោក។ ក្នុងបន្ទប់សិក្សាមួយរបស់តៃវ៉ាន់ អតីតទាហានតៃវ៉ាន់ម្នាក់ដែលធ្លាប់ចូលរួម…
កោះតៃវ៉ាន ៖ ដោយដកស្រង់បទពិសោធន៍ក្នុងសង្គ្រាមនៅអ៊ុយក្រែន ជាសង្គ្រាមដែលពេលនេះផ្ដោតខ្លាំងលើការប្រើដ្រូនវាយប្រហារ ជាជាងប្រើយន្តហោះដែលមានតម្លៃថ្លៃខ្លាំង កោះតៃវ៉ាន់ប្រកាសពីបំណងរបស់ខ្លួន ឲ្យទទួលបានដ្រូនប្រមាណជា៥០.០០០គ្រឿង រយៈពេល២ឆ្នាំខាងមុខនេះ សម្រាប់ទប់ទល់ការពារខ្លួនប្រឈមមុខនឹងចិនដីគោក។
ក្នុងបន្ទប់សិក្សាមួយរបស់តៃវ៉ាន់ អតីតទាហានតៃវ៉ាន់ម្នាក់ដែលធ្លាប់ចូលរួម ក្នុងកងកម្លាំងបរទេសជួយដល់អ៊ុយក្រែន បានលើករៀបរាប់ពីបទពិសោធន៍របស់ខ្លួន ដែលធ្លាប់ប្រឡូកក្នុងការប្រយុទ្ធតតាំងជាមួយកងទ័ពរុស្ស៊ីអស់ពេលជិត២ឆ្នាំ ប្រាប់ដល់បណ្ដាសិស្សខ្លួនពីសារប្រយោជន៍របស់ដ្រូននៅទីលានប្រយុទ្ធ ។
អតីតទាហានរូបនេះលោកCHEN TINGWEIអះអាងថា ពេលនេះជាង៨០%នៃចលនារបស់កងទ័ពជើងគោកត្រូវចាប់ឃើញដោយដ្រូន មុនពេលវាយប្រហារ។ បែបនេះនាំឲ្យប្រតិបត្តិការប្រយុទ្ធមានភាពកាន់តែងាយស្រួលច្រើននិងមានប្រសិទ្ធភាព។
នៅតៃវ៉ាន់សមាជិកសភាមួយចំនួនកំពុងតែផ្ដោតខ្លាំង លើការវិវត្តន៍ទាំងនោះនៅលើទីលានប្រយុទ្ធ។ ជាលើកដំបូងហើយក្នុងខែនេះ ដែលកងទ័ពតៃវ៉ាន់បានបញ្ចូលការហ្វឹកហ្វឺនពីការប្រើដ្រូនសម្រាប់ការបណ្ដុះបណ្ដាលដល់កងទាហានដែលទើបរើសថ្មីៗ ។
សមាជិកសភាមួយរួបនៃគណបក្សចម្រើនជឿនលឿងតៃវ៉ាន់លោកវ៉ាងទិញយូវាយតម្លៃថា កងទាហានត្រូវចេះទាំងបាញ់កាំផ្លើងនិងចេះប្រើដ្រូនគ្រប់ប្រភេទ ព្រោះវាអាចបង្កើនដល់កិច្ចការពារខ្លួននិងប្រយុទ្ធមានប្រសិទ្ធភាព។
ទោះបីយ៉ាងណាក៏នៅមានការលំបាកនានាដែរ ដោយសារដ្រូនចិនដីគោកកំពុងតែគ្របដណ្ដាប់គ្រប់ទីផ្សារលើសកលលោក។ ការប្រើដ្រូនរបស់ចិន តំណាងឲ្យគ្រោះថ្នាក់ខាងសន្តិសុខមួយសម្រាប់តៃវ៉ាន់ ដែលស្ថិតក្រោមការគំរាមកំហែងជាប់។
ដូច្នេះហើយបានជាតៃវ៉ាន់គ្រោងទិញដ្រូនដល់៥០.០០០គ្រឿង ដែលផលិតក្នុងស្រុក និងដោយគ្មានសមាសភាពនៃដ្រូនចិនដីគោករយៈពេល២ឆ្នាំខាងមុខនេះ។
បណ្ដាសហគ្រាសតៃវ៉ាន់ដូចជាHSUAN YUAN TECH កំពុងតែរៀបចំខ្លួនផលិត។ ប្រធានអគ្គនាយកក្រុមហ៊ុននោះលោកដីណាល់ស៊ូអះអាងថា ក្រុមហ៊ុនលោកអាចផលិតបណ្ដាដ្រូនសីុវិល ហើយប្រាកដណាស់យើងក៏អាចផលិតបណ្ដាដ្រូនយោធាដែរ។ អ្វីដែលកើតមាននៅអ៊ុយក្រែនត្រូវបានតាមដានដោយសហគ្រាសនិមួយៗ។
យើងអាចកំណត់បើក្នុងករណីមានសង្គ្រាម តូនាទីរបស់យើងគឺត្រូវផលិតបណ្ដាដ្រូនសម្រាប់បំពេញសេចក្ដីត្រូវការនិងផលិតបែបយ៉ាងណា។ ការពឹងផ្អែកលើសហគ្រាសឯកជនតៃវ៉ាន់ពិតជាគន្លឹះមួយ សំដៅទប់ទល់នឹងអនាគតដែលមិនច្បាស់លាស់មួយ៕
ចែករំលែកព័តមាននេះ