ខេត្តស្ទឹងត្រែង ៖ លោកសរ សុពុត្រា អភិបាលខេត្តស្ទឹងត្រែង នាព្រឹកថ្ងៃទី ២៤ ខែសីហា ឆ្នាំ២០២៥ ក្នុងពិធីបើកវិញ្ញាសារប្រឡងជ្រើសរើសក្របខ័ណ្ឌមន្ត្រីពន្ធនាគារបានណែនាំទៅដល់បេក្ខជនមកប្រឡង…
ខេត្តស្ទឹងត្រែង ៖ លោកសរ សុពុត្រា អភិបាលខេត្តស្ទឹងត្រែង នាព្រឹកថ្ងៃទី ២៤ ខែសីហា ឆ្នាំ២០២៥ ក្នុងពិធីបើកវិញ្ញាសារប្រឡងជ្រើសរើសក្របខ័ណ្ឌមន្ត្រីពន្ធនាគារបានណែនាំទៅដល់បេក្ខជនមកប្រឡង ត្រូវពឹងផ្អែកលើសមត្ថភាពផ្ទាល់ខ្លួន ដោយគ្មានការអន្តរាគមន៍ ឬការប្រើប្រាស់ខ្សែខ្នងណាមួយឡើយ ។
គ្រានោះដែរ លោកអភិបាលមានប្រសាសន៍ថា បេក្ខជនប្រឡងទាំងពីរភេទត្រូវប្រើប្រាស់ចំណេះវិជ្ជាជីវៈ និងសមត្ថភាពរបស់ខ្លួន ដើម្បីធានានូវតម្លាភាព និងយុត្តិធម៌ក្នុងការប្រឡង និងបញ្ជាក់ច្បាស់ថា អ្នកដែលប្រឡងជាប់ គឺជាប់ដោយគ្មានខ្សែ ឬខ្នង អ្នកណាឡើយ អន្តរាគមន៍នោះឡើយ ។
លោកបន្តទៀតថា ៖ ការប្រឡង និងប្រព្រឹត្តទៅដោយស្មើភាព តម្លាភាព និងយុត្តិធម៌ហើយ បេក្ខជនដែលមកប្រឡងនៅថ្ងៃនេះ គឺជាប់ដោយសមត្ថភាពផ្ទាល់ខ្លួន អ្នកចេះគឺជាប់ ដើម្បីជ្រើសរើសបានធនធានមនុស្សពិតប្រាកដសម្រាប់បម្រើការងារជូនជាតិមាតុភូមិដ៏រុងរឿងនៃយើង ។
សូមបញ្ជាក់ថា ៖ បេក្ខជនមកប្រឡងចូលបម្រើការនៅពន្ធនាគារនៅភាគឦសាន មានចំនួន៤ខេត្ត ក្នុងនោះខេត្តស្ទឹងត្រែង មានបេក្ខជន៤១នាក់ ជ្រើសរើសយក៧នាក់ ខេត្តរតនគិរី មានបេក្ខជន៨៤នាក់ជ្រើសរើសយក១០នាក់ ខេត្តមណ្ឌលគិរី មានបេក្ខជន៤៣នាក់ ជ្រើសរើសយកចំនួន៥នាក់ និងខេត្តព្រះវិហារមានបេក្ខជនចំនួន៥៥នាក់ជ្រើសរើសយក៥នាក់៕
ចែករំលែកព័តមាននេះ